«وتباسى بانك» قىزمەتكەرلەرىنىڭ ايلىعى قانداي
«وتباسى بانك» ءتوراعاسى ءلاززات يبراگيموۆا قولاستىنداعى قىزمەتكەرلەردىڭ قانشا جالاقى الاتىنىن ايتتى، دەپ حابارلايدى قازاقپارات ءتىلشىسى.

«وتباسى بانكتىڭ» ايلىق مولشەرى، وكىنىشكە قاراي، وزگە ەكىنشى دەڭگەيدەگى بانكتەردىڭ ورتاشا نارىقتىق ايلىعىنان تومەن. سوندىقتان ەڭبەك نارىعىنداعى باسەكە وتە كۇردەلى. اسىرەسە، IT سالادا قيىن. ءوزىنىڭ موبيلدىك قوسىمشالارىن دامىتىپ جاتقان بانكتەر وتە يكەمدى ساياسات ۇستانىپ وتىر. ولار تۇتاس كوماندالارعا بيۋدجەت ءبولىپ، اقشا بەرە الادى. ءبىز كۆازيمەملەكەتتىك سەكتور قىزمەتكەرى بولعاندىقتان، ەڭبەككە اقى تولەۋدىڭ بەلگىلى ءبىر ەرەجەسى بار. بۇل تۇرعىدا ەشقانداي جاڭاشىلدىققا بارا المايمىز. بىزدە تەك اي سايىنعى ايلىق پەن توقساندىق سىياقىلار عانا بار. سوندىقتان باسەكەلەسۋ وتە قيىن.
فيليالدار بويىنشا ايتساق، ورتاشا ايلىق 300 مىڭ تەڭگەدەن باستالىپ 400 مىڭ تەڭگەگە دەيىن جەتەدى. قىزمەتكەرلەردىڭ 80 پايىزى وسىنداي ايلىق الادى. ورتالىق اپپاراتتا بۇدان كوبىرەك. ونىڭ وزىندە ءبارى بلوكتارعا بايلانىستى. IT - بلوكتا ايلىق جوعارى. كەڭسەدەگى جۇمىسشىلار، بۋحگالتەريا، وپەراتسيالىق ءبولىم ءسال تومەن الادى»، - دەدى باسقارما ءتوراعاسى ماجىلىستەگى وتىرىستان كەيىن.
"وتباسى بانك" باسشىسى قىزمەتكەرلەرگە بەرىلەتىن سىياقى كولەمى تۋرالى دا ايتتى.
«جالپى اكىمشىلىك شىعىنداردان الىپ قاراساق، سىياقىلارعا سونىڭ 30 پايىزىنان اسپايتىن ۇلەسى جۇمسالادى»، - دەدى ول.
الايدا، ءلاززات يبراگيموۆا ءوزىنىڭ ايلىعىن ايتۋدان باس تارتتى.
«بۇل - كوممەرتسيالىق قۇپيا. دەگەنمەن، كوممەرتسيالىق بانكتەرگە قاراعاندا الدەقايدا از. ءبىز ەكىنشى دەڭگەيدەگى بانكتەردىڭ ىشىندە كاپيتالى بويىنشا ءتورتىنشى ورىندا تۇرساق تا - سولاي. بلوگەرلەردىڭ ءبىرى سونى ەسەپتەپ، دەڭگەيلەس باكتەرگە قاراعاندا 6,5 ەسە از الاتىنىمدى جازعان بولاتىن»، - دەدى «وتباسى بانك» باسشىسى.