وتباسى بانك قوسىمشاسى مەن enpf-otbasy پورتالى ۋاقىتشا ىستەمەي تۇر

استانا. KAZINFORM - وتباسى بانك ءوز جۇيەسىندەگى اقاۋلارعا رەسمي تۇسىنىكتەمە بەردى.

Отбасы банк «Наурыз» бағдарламасы бойынша кредит беру үшін KASE-ден 102,7 млрд теңге тартты
Фото: Отбасы банк

- قازىرگى ۋاقىتتا بانكتىك سەرۆيستەر بويىنشا تەحنيكالىق جۇمىستار جۇرگىزىلۋدە. بۇل پروتسەسس جوسپارلانعاننان ۇزاعىراق ۋاقىتتى الدى.

وكىنىشكە قاراي، ۋاقىتشا تۇردە بانك بولىمشەلەرىندە، باسپانا ماركەت پلاتفورماسىندا جانە موبيلدى قوسىمشادا وپەراتسيالار قولجەتىمسىز.

سونداي-اق بايلانىس ورتالىعى ۋاقىتشا جۇمىس ىستەمەيدى، - دەپ جازادى بانكتىڭ رەسمي سايتى.

رەسمي مالىمەتتە بانك ماماندارى بارلىق جۇيەلەر مەن بانك وپەراتسيالارىن مۇمكىندىگىنشە تەزىرەك قالىپتى رەجيمدە جۇمىس ىستەتۋگە كۇش سالىپ جاتقانى ايتىلعان.

- تۇسىنىستىك تانىتقاندارىڭىز ءۇشىن راقمەت جانە ۋاقىتشا قولايسىزدىقتار ءۇشىن كەشىرىم سۇرايمىز، - دەلىنگەن حابارلامادا.

«وتباسى بانك» موبيلدىك قوسىمشاسىنان بولەك ب ج ز ق- داعى جەتكىلىكتىلىك شەگىنەن ارتىلعان اقشانى ەمدەلۋ مەن تۇرعىن ۇيگە باعىتتاۋ وپەراتسياسىن راسىمدەيتىن enpf-otbasy پورتالى دا ىستەمەي تۇر.

ايتا كەتەيىك، بىلتىر وتباسى بانكتە 1 ميلليون دەپوزيت اشىلدى.

سوڭعى جاڭالىقتار