«وتباسى بانك» جاستارعا ارنالعان تۇرعىن ءۇي باعدارلاماسىن ىسكە اسىرىپ جاتىر

استانا. KAZINFORM - «وتباسى بانك» وبلىس اكىمدىكتەرىمەن بىرلەسىپ، ارنايى يپوتەكالىق باعدارلامالاردى ىسكە اسىرىپ جاتىر. ونىڭ اياسىندا %10 باستاپقى جارنا تولەپ، %5- تىك مولشەرلەمەمەن 19 جىلعا دەيىن نەسيە الۋعا بولادى.

بۇل باعدارلاماعا 35 جاسقا دەيىنگى كەز كەلگەن ازامات قاتىسۋعا قۇقىلى. جاستار ءۇشىن ارنايى كۆوتالار قاراستىرىلعان رەسپۋبليكالىق تۇرعىن ءۇي باعدارلامالارى دا بار. بىلتىر «وتاۋ» جانە «ناۋرىز» باعدارلامالارى اياسىندا 3923 جاسقا جالپى سوماسى 103,4 ميلليارد تەڭگە نەسيە بەرىلدى. جالپى 2017 -جىلدان بەرى مەملەكەتتىك باعدارلامالارمەن 7200 جاس باسپانالى بولعان.