وتباسى بانك دەپوزيتىندە زەينەتاقى تولەمدەرى قاراجاتىن جيناقتاۋ مەرزىمى ۇزارۋى مۇمكىن
استانا. KAZINFORM – ق ر ونەركاسىپ جانە قۇرىلىس مينيسترلىگى تۇرعىن ءۇي جاعدايلارىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋدىڭ قولدانىستاعى ەرەجەلەرىنە وزگەرىستەر ەنگىزۋدى ۇسىنادى.
اعىمداعى جىلدىڭ 1-قاڭتارىنداعى جاعداي بويىنشا 135 مىڭعا جۋىق ازامات ءوز قاراجاتىن ءبىرجولعى زەينەتاقى تولەمدەرىنەن (ب ج ت) «وتباسى بانك» ا ق دەپوزيتتەرىنە جۇمسادى جانە وسى ۋاقىتقا دەيىن يپوتەكالىق تۇرعىن ءۇي قارىزدارىن رەسىمدەگەن جوق.
«وتباسى بانك» ا ق اقپاراتى بويىنشا تۇرعىن ءۇي زايەمىن الۋ ءۇشىن قاجەتتى باستاپقى جارنانى جيناقتاۋدىڭ ورتاشا مەرزىمى التى جىلدى قۇرايدى. وسىعان بايلانىستى، مينيسترلىك ازاماتتاردىڭ تۇرعىن ءۇي جاعدايلارىن جاقسارتۋ ماقساتىندا «وتباسى بانك» ا ق دەپوزيتتەرىندە ب ج ت قاراجاتىن جيناقتاۋ مەرزىمىن 3 جىلدان 8 جىلعا دەيىن ۇلعايتۋدى ۇسىنادى. بۇدان باسقا، ەرلى-زايىپتىلارعا «وتباسى بانكى» ا ق دەپوزيتتەرىن ءبىر-بىرىنە ب ج ت قاراجاتىمەن تولىقتىرۋعا مۇمكىندىك بەرۋ ۇسىنىلادى»، - دەپ جازدى ۆەدومستۆودان.
سونداي-اق، بۇيرىق جوباسىمەن تۇرعىن ءۇي قۇرىلىسى جيناقتارى تۋرالى «وتباسى بانك» ا ق- مەن شارت بۇزىلعان كەزدە ب ج ت- مەن تولىقتىرىلعان سوما الۋشىنىڭ ارنايى شوتىنا قايتارىلادى، ول 20 جۇمىس كۇنى ىشىندە وسى قاراجاتتى تۇرعىن ءۇي جاعدايلارىن جاقسارتۋعا پايدالانا الادى نەمەسە ءبىرجولعى زەينەتاقى تولەمدەرىن پايدالانۋ قاعيدالارىنا سايكەس ەمدەۋگە جىبەرە الادى.
تۇرعىن ءۇي جاعدايلارىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋدىڭ قولدانىستاعى ەرەجەلەرىنە جوسپارلانعان تۇزەتۋلەر ن ق ا اشىق دەرەكتەر پورتالىندا تالقىلانۋدا. بارلىق ەسكەرتۋلەر مەن ۇسىنىستار قابىلدانعاننان كەيىن بۇيرىق جوباسى مۇددەلى مەملەكەتتىك ورگاندارعا كەلىسۋگە جىبەرىلەتىن بولادى. بارلىق كەلىسۋ پروتسەسى شامامەن ەكى ايعا سوزىلادى.
اۆتور
اسحات رايقۇل
