وتاندىق پوشتا قىزمەتىنە وزگەرىستەر ەنگىزىلەدى
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى پوشتا قىزمەتى ەرەجەلەرىنە وزگەرىستەر ەنگىزەدى. ماقسات - پوشتا بايلانىسى نارىعىن دامىتۋ.
«اشىق ن ق ا» پورتالىندا جاريالانعان بۇيرىق جوباسىنا سايكەس، پوشتا قىزمەتىن پايدالانۋشىلارعا ىڭعايلى بولۋ ءۇشىن پين-كود نەمەسە QR- كودپەن ادرەساتتىڭ كەلىسىمىن الۋ ارقىلى پوشتا جونەلتىلىم ءۇشىنشى تۇلعالارعا تاپسىرۋ مۇمكىندىگى قاراستىرىلعان.
سونداي-اق بۇدان بىلاي «پوشتا جاشىگى» ۇعىمى الىنىپ تاستالادى.
ودان بولەك، قۇندى جونەلتىلىم ەكەنى جاريالانعان ۇعىم ەنگىزىلەدى جانە اتالعان جونەلتىلىم جىبەرۋ مۇمكىندىگىنە بايلانىستى پوشتا وپەراتورلارىنىڭ جاۋاپكەرشىلىك شارتتارى ناقتىلانادى.
قۇجات جوباسى بيىل 21-ساۋىرگە دەيىن قوعامدىق تالقىلاۋعا ۇسىنىلىپ وتىر.
ايتا كەتسەك، ۇكىمەت باسشىسى ولجاس بەكتەنوۆ جىل باسىندا ءبىر ايدىڭ ىشىندە ۇلتتىق پوشتانى دامىتۋدىڭ جوسپارىن ازىرلەۋدى تاپسىرعان ەدى.
سونداي-اق جىل باسىندا مەملەكەت باسشىسى «قازپوشتا» ا ق باسقارما ءتوراعاسى اسەل جاناسوۆانى قابىلداپ، ءبىرقاتار تاپسىرما بەردى.
