وتاندىق فيلمدەردى ەندى «كينوپويسكتەن» كورۋگە بولادى

استانا. KAZINFORM - مادەنيەت جانە اقپارات مينيسترلىگىنىڭ قولداۋىمەن تۇسىرىلگەن فيلمدەردى «كينوپويسك» پلاتفورماسىنان تاماشالاۋعا بولادى.

مينيسترلىكتىڭ مالىمەتىنشە، وندا 17 فيلمنەن تۇراتىن ارنايى تاقىرىپتىق جيناق ۇسىنىلعان. بۇل كورەرمەنگە ۇلتتىق كينو ورتالىعىنىڭ قولداۋىمەن تۇسىرىلگەن وزەكتى ءارى ماڭىزدى كينوجوبالاردى ىڭعايلى فورماتتا كورۋگە مۇمكىندىك بەرەدى.

ۇسىنىلعان فيلمدەر قاتارىندا «پاتريوتتار ۋاقىتى»، «كانيكۋلى off-line 2»، «دوس- مۇقاسان»، «قاجىمۇقان»، «SHULAMAH»، «اعايىندىلار»، «دالا قاسقىرى» جانە باسقا دا ماڭىزدى تاقىرىپتاعى فيلمدەر بار.

الداعى ۋاقىتتا بۇل ءتىزىم جاڭارتىلىپ وتىرادى. «كينوپويسك» («Кинопоиск») - قازاقستانداعى جەتەكشى بەينەسەرۆيس. ونلاين كينوتەاتر ەڭ تابىستى قازاقستاندىق فيلمدەر مەن مازمۇندى سەريالداردى ۇسىنادى.

سوڭعى دەرەكتەر بويىنشا، 2024 -جىلدىڭ العاشقى جارتىسىنىڭ وزىندە قازاقستاندىق كونتەنت 5 ميلليون ساعاتتان استام ۋاقىت قارالعان.

ايتا كەتەيىك، «شاتىرداعى ەكەۋ» فيلمى حالىقارالىق فەستيۆالدىڭ توعىز جۇلدەسىن جەڭىپ الدى.

اۆتور

ەلميرا ورالبايەۆا