وتاندىق فيلمدەر شەتەلدە قانشالىقتى تانىلىپ جاتىر
استانا. قازاقپارات - 2025 -جىلى وتاندىق فيلمدەردىڭ كينوپروكاتتاعى ۇلەسى 25 پايىزعا جەتەدى. بۇل تۋرالى ق ر مادەنيەت جانە اقپارات مينيسترلىگىنىڭ مادەنيەت كوميتەتىنەن ءمالىم ەتتى.
وتاندىق فيلمدەر شەتەلدە قانشالىقتى تانىلىپ جاتىر
استانا. KAZINFORM — 2025 -جىلى وتاندىق فيلمدەردىڭ كينوپروكاتتاعى ۇلەسى 25 پايىزعا جەتەدى. بۇل تۋرالى قر مادەنيەت جانە اقپارات مينيسترلىگىنىڭ مادەنيەت كوميتەتىنەن ءمالىم ەتتى.
- مەملەكەت باسشىسى ق. ك. توقايەۆتىڭ تۇركىستاندا وتكەن ۇلتتىق قۇرىلتايدا كينويندۋستريانى ەكونوميكانىڭ جەكە سەكتورى رەتىندە قاراستىرۋ تۋرالى تاپسىرماسىنا وراي، سوڭعى 2 جىلدا ەلىمىزدەگى كينەماتوگرافيا سالاسىنىڭ جەكە يندۋستريا رەتىندە قالىپتاسىپ كەلە جاتقاندىعىن اتاپ وتكىمىز كەلەدى. اتاپ ايتساق، 2024 -جىلى وتاندىق فيلمدەردىڭ جالپى كينوپروكاتتاعى ۇلەسى 21 پايىزعا (94 فيلم) جەتتى. 2025 -جىلى اتالعان كورسەتكىش 25 پايىزدى قۇراۋى قاجەت، - دەلىنگەن مادەنيەت كوميتەتىنىڭ Kazinform اگەنتتىگىنە بەرگەن جاۋابىندا.
2024 -جىلى جەكە قارجىعا تۇسىرىلگەن «ءداستۇر»، «پريگوۆور»، «ناۋچي مەنيا جيت»، «ليۋبوۆ سو ۆتوروگو ۆزگليادا»، «رەكەتير 3» وتاندىق فيلمدەرى، سونداي-اق 2025 -جىلى «پاترۋل»، «ازارتنيك»، «مالاي» فيلمدەرى شەت مەملەكەتتەردە كينوپروكاتقا شىقتى.
مۇنىمەن قوسا، مەملەكەتتىك قولداۋمەن كينو ورتالىعى ارقىلى تۇسىرىلگەن ءبىرقاتار فيلم وتاندىق كورەرمەنگە عانا ەمەس، شەتەلدىك اۋديتورياعا دا تاراي باستادى. بۇل باعىتتا تسيفرلىق ديستريبۋتسيا مەن حالىقارالىق پروكات جۇمىستارى جۇيەلەنىپ كەلەدى.
- بۇگىندە كوپتەگەن وتاندىق فيلمدەر «IVI» جانە «KINOGO» ونلاين-كينوتەاتر پلاتفورمالارىندا ورنالاستىرىلعان. اتالعان پلاتفورمالاردا كورەرمەن نازارىنا ۇسىنىلعان جوبالاردىڭ قاتارىندا «بوكسەر»، «ۆرەميا پاتريوتوۆ»، «ALGA»، «تىرنالار»، «اقىن»، «وبۋچەنيە ادەموكي»، «نارتاي»، «كانيكۋلى وففلاين 2»، «لەتو 1941-گو گودا»، «دوس-مۇقاسان»، «حيرۋرگ»، «براتيا»، «مولوچنايا ديەۆوچكا»، «كەنجە قىز»، «بەركۋت»، «ستوپ نوچ!» سىندى فيلمدەر بار. سونىمەن قاتار وتاندىق كينوتۋىندىلار «كينوپويسك» ونلاين-ۆيدەوسەرۆيسىندە دە كەڭىنەن ناسيحاتتالىپ كەلەدى. قازىرگى كەزدە بۇل پلاتفورمادا 19 فيلمنەن تۇراتىن ارنايى تاقىرىپتىق سورە جاساقتالعان. مۇندا «پاتريوتتار ۋاقىتى»، «كانيكۋلى off-line 2»، «دوس- مۇقاسان»، «قاجىمۇقان»، «SHULAMAH»، «اعايىندىلار»، «دالا قاسقىرى» سەكىلدى ماڭىزدى تاقىرىپتاردى كوتەرەتىن فيلمدەر توپتاستىرىلعان. بولاشاقتا بۇل سورە جاڭا تۋىندىلارمەن تولىقتىرىلماق، - دەپ اتالىپ وتكەن ۆەدومستۆو اقپاراتىندا.
ايتا كەتەيىك، وتاندىق كينونىڭ حالىقارالىق نارىققا شىعۋى دا قارقىن الىپ وتىر. كەيىنگى جىلدارى ءبىرقاتار فيلم شەتەلدىك پروكاتقا تابىستى تۇردە جول تارتتى. بۇل رەتتە:
• «اقىن / Poet» فيلمى 2022 -جىلى فرانسيادا كورسەتىلدى؛
• «ۆرەميا پاتريوتوۆ» - 2022 -جىلى رەسەي فەدەراتسياسىندا، 2024 -جىلى لاتىن امەريكاسى ەلدەرىندە ەكرانعا شىقتى؛
• «قارا قىز» - 2024 -جىلى رەسەي فەدەراتسياسىندا پروكاتقا شىقتى؛
• «قاجىمۇقان» فيلمى بيىل رەسەي نارىعىنا شىعارىلادى.
قازاقستاندىق پروديۋسەرلىك كومپانيالار حالىقارالىق ونلاين-پلاتفورمالارمەن تىعىز ارىپتەستىك ورناتىپ، ديستريبۋتسيا جۇمىستارىن جۇيەلى جۇرگىزىپ كەلەدى.
ماسەلەن، «دالا قاسقىرى» فيلمى ا ق ش، كانادا، ۇلى بريتانيا، گەرمانيا، فرانسيا، پولشا جانە لاتىن امەريكاسى ەلدەرىنىڭ ديستريبيۋتورلارىنا ساتىلىپ، فرانسيا مەن ۇلى بريتانيانىڭ سيفرلىق پلاتفورمالار باعدارلامالارىنا ەندى. بۇل جەتىستىكتەر وتاندىق كينو ءوندىرىسىنىڭ ساپالىق تۇرعىدا وسكەنىن جانە حالىقارالىق اۋديتورياعا قىزىقتى بولا باستاعانىن كورسەتەدى.
