وتاندىق ءدارى-دارمەك كولەمى 50 پايىزعا جەتە مە – د س م جاۋابى
استانا. KAZINFORM – ق ر دەنساۋلىق ساقتاۋ ءمينيسترى مىندەتىن اتقارۋشى ارداق امانگەلدى ۇلى وتاندىق فارماتسيەۆتيكا سالاسىنداعى وتاندىق ءونىم كولەمىن ارتتىرۋ ءۇشىن قانداي شارالار جاسالىپ جاتقانىن ايتتى.
ءماجىلىستىڭ جالپى وتىرىسىندا دەپۋتات نارتاي ارالباي ۇلى ق ر جوعارعى اۋديتورلىق پالاتاسى جۇرگىزگەن اۋديت ناتيجەلەرىن تىلگە تيەك ەتە وتىرىپ، «مەملەكەت باسشىسى جۇكتەگەن «2029 -جىلعا قاراي ءدارى-دارمەكتەر سالاسىندا وتاندىق ءونىم كولەمىن 50 پايىزعا جەتكىزۋ» تاپسىرماسىن ۆەدومستۆو ورىنداي الا ما؟ ول ءۇشىن ناقتى قانداي شارالار اتقارىلىپ جاتىر؟ » دەگەن ساۋال قويدى.
- وسى ماسەلە اياسىندا ءبىز بىلتىردان بەرى ارنايى دەپارتامەنت قۇرىپ، جۇيەلى جۇمىس جۇرگىزىپ جاتىرمىز. قازىر ناقتى 34 تاۋار ءوندىرۋشى بار. 90 شارت نەگىزىندە 507 ءدارى-دارمەك وندىرىلەدى جانە 2 مىڭداي مەديتسينالىق بۇيىم شىعارىلادى. وسى شارتتاردان باسقا 7 جوبا بويىنشا جۇمىس ىستەپ جاتىرمىز. ونداعى جالپى ينۆەستيتسيا كولەمى - 650 ميلليون دوللار. ولاردى ىسكە قوسساق، ءبىزدىڭ قوسىمشا وندىرىلەتىن ءونىم 2029 -جىلى 300 ميلليون دوللارعا وسەدى دەگەن جوسپارىمىز بار، - دەپ جاۋاپ بەردى ارداق امانگەلدى ۇلى.
سونداي-اق سپيكەر وسى 7 جوبا ءساتتى جۇزەگە اسسا، وتاندىق ءونىم كولەمىن 14 پايىزداي ارتتىراتىنىن اتاپ ءوتتى.
ايتا كەتەيىك، بۇعان دەيىن وتاندىق ءدارى-دارمەك ۇلەسىن 50 پايىزعا جەتكىزۋ ءۇشىن 7 جوبا قاراستىرىلىپ جاتقانىن جازعان ەدىك.
اۆتور
ەربول جانات
