وسكەمەندە زاڭسىز تاكسي قىزمەتىن كورسەتكەن شەتەلدىك ۇستالدى

وسكەمەن. KAZINFORM - وسكەمەن قالاسىندا زاڭسىز جولاۋشى تاسىمالداپ جۇرگەن وزبەكستان ازاماتى جاۋاپقا تارتىلدى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى شەتەلدىك ازاماتتى توقتاتقان. قۇجاتتارىن تەكسەرۋ كەزىندە جۇرگىزۋشى جولاۋشىلاردى ءموبيلدى قوسىمشا ارقىلى رەسمي رۇقساتسىز تاسىمالداعانى بەلگىلى بولدى.

- تەكسەرۋ بارىسىندا كورشى مەملەكەتتىڭ ازاماتى قازاقستانعا كەلگەنى جانە رۇقساتسىز جەكە كولىگىمەن تاكسي قىزمەتىمەن اينالىسقانى، سول ارقىلى كوشى-قون مەن ەڭبەك زاڭناماسىن بۇزعانى انىقتالدى. اتالعان فاكتى بويىنشا اكىمشىلىك ءىس قوزعالىپ، قۇقىق بۇزۋشى ق ر ا ق ب ت ك-نىڭ 517-بابىمەن جاۋاپكەرشىلىككە تارتىلدى. جينالعان ماتەريالدى پوليتسەيلەر سوتقا جىبەردى، - دەلىنگەن اقپاراتتا.

جىل باسىنان بەرى شىعىس قازاقستان وبلىسىندا زاڭسىز جۇمىس ىستەگەن 30 دان استام شەتەلدىك ازامات انىقتالعان. سوت شەشىمىمەن ولاردىڭ ءارقايسىسىنا 25 ا ە ك (98300 تەڭگە) مولشەرىندە ايىپپۇل سالىندى. سونىمەن قاتار جۇمىس بەرۋشىلەر دە جاۋاپقا تارتىلىپ، 30 ا ە ك (117960 تەڭگە) كولەمىندە ايىپپۇل ارقالادى.

ەسكە سالساق، وسىعان دەيىن الماتىدا زاڭسىز ەڭبەك ميگرانتتارى ۇستالعانى حابارلانعان.

اۆتور

تالعاتجان مۇحامەتبەك ۇلى