وسكەمەندە تۋبەركۋلەز دەندەپ تۇر

جىل باسىنان بەرى وكپە قۇرتى اۋرىنان 10 ادام كوز جۇمدى. بۇل جىلداعىدان 40 پايىزعا كوپ. اق حالاتتىلاردىڭ ايتۋىنشا، قايتىس بولعانداردىڭ دەنى بۇرىن بۇل دەرتپەن ەسەپتە تۇرماعان.

الايدا مەديتسينالىق زەرتتەۋلەر باسقا اۋرۋمەن قاتار تۋبەركۋلەز جۇقتىرعانىن كورسەتكەن. اۋرۋدىڭ لەزدە ورشۋىنە ازاماتتاردىڭ ۋاقتىلى ەمحاناعا قارالماۋى سەبەپ بولۋى مۇمكىن، دەيدى دارىگەرلەر. دەرتتى ەرتە انىقتاۋ ماقساتىندا بيىل وڭىردە 23 مىڭنان اسا مانتۋ سىناماسى الىنعان. ناتيجەسىندە، تۋبەركۋلەزدىڭ ەكى جاعدايى بەلگىلى بولدى. ال فليۋوروگرافيا ارقىلى 84 ناۋقاس انىقتالدى.

مالىك ادەنوۆ، ق ر ۇلتتىق فتيزيوپۋلمونولوگيا ورتالىعىنىڭ ديرەكتورى:

- وسكەمەندە بىلتىر 16 ناۋقاس قايتىس بولعان تۋبەركۋلەزدەن. بيىل 7 ايدا ون ناۋقاس قايتىس بولىپ وتىر. جىلدىڭ اياعىنا دەيىن بۇل كورسەتكىش وزگەرۋى مۇمكىن. قايتىس بولعانداردىڭ سەبەپتەرىنىڭ بىردەن ءبىرى - الەۋمەتتىك جاعدايلارى وسال ازاماتتار كەش كومەككە جۇگىنەدى. بيىلعى جىلدىڭ 7 ايلىق قورىتىندىسىن قارايتىن بولساق، ءولىم- ءجىتىم كورسەتكىشى تاعى دا 14 پايىزعا تومەندەگەنى كورىنىپ وتىر. اۋرۋعا شالدىعۋ سانى 1 پايىزعا تومەندەپ وتىر. سوندىقتان قازىرگى جاعدايدا ەپيدەميولوگيالىق جاعداي ەلىمىزدە تۇراقتى.

24.kz