وسكەمەندە ەر ادام ءدىني ەكسترەميستىك ماتەريالداردى اشىق تاراتقان
وسكەمەن. KAZINFORM - وسكەمەن قالاسىندا ءدىني ەكسترەميستىك ماتەريالداردى اشىق تاراتقان ەر ادام جاۋاپقا تارتىلدى.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليتسەيلەر وسكەمەن تۇرعىنىنىڭ الەۋمەتتىك جەلىدە ەكسترەميستىك دەپ تانىلعان ءدىني ماتەريالداردى بولىسكەنىن انىقتادى.
«سوت ەكسترەميستىك دەپ تانىعان جانە قازاقستان رەسپۋبليكاسىنىڭ اۋماعىنا اكەلۋگە، باسىپ شىعارۋعا جانە تاراتۋعا تىيىم سالىنعان ءدىني مازمۇنداعى ماتەريالداردى ءوزىنىڭ ۇيالى تەلەفونىندا ساقتاپ قانا قويماي، ولاردى تانىمال الەۋمەتتىك جەلىنىڭ كەڭىستىگىندە اشىق بولىسكەن. پ د ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى زاڭبۇزۋشىلىقتى تىركەگەن سوڭ اتالعان فاكتى بويىنشا 35 جاستاعى ازاماتقا قاتىستى ق ر ا ق ب ت ك- ءنىڭ 453-بابىمەن اكىمشىلىك حاتتاما تولتىرىلدى»، - دەلىنگەن اقپاراتتا.
سوت قاۋلىسىمەن ەر ادام اتالعان قۇقىق بۇزۋشىلىق جاساعانى ءۇشىن كىنالى دەپ تانىلىپ، 100 ا ە ك (369200 تەڭگە) مولشەرىندە ايىپپۇل تولەۋگە مىندەتتەلدى.
وسى رەتتە، پوليتسيا قىزمەتكەرلەرى جۇرتشىلىققا ەكسترەميستىك ماتەريالداردى ساقتاۋ جانە تاراتۋ اكىمشىلىك نەمەسە قىلمىستىق جاۋاپكەرشىلىككە اكەلىپ سوعاتىنىن ەسكە سالدى.
اۆتور
تالعاتجان مۇحامەتبەك ۇلى
