وسكەمەندە جول ورتاسىندا بيلەپ، ۆيدەوعا تۇسكەن تۇرعىن جاۋاپقا تارتىلدى
استانا. قازاقپارات - وسكەمەندە جول ەرەجەسىن بۇزعان تۇرعىن انىقتالدى. ءتارتىپ بۇزۋشى ۆيدەونى ءوزىنىڭ Instagram پاراقشاسىندا جاريالاعان، - دەپ حابارلايدى Polisia.kz.
الايدا زاڭبۇزۋشىلىقتى بايقاعان قالا تۇرعىندارى بۇل ارەكەتكە بەيجاي قارامادى. ونىڭ جاريالانىمىن بىرنەشە جەلى قولدانۋشىلارى ش ق و پوليتسيا دەپارتامەنتىنىڭ Instagram پاراقشاسىنداعى direct-كە جولداعان.
كادرلاردا ءىس-ارەكەتىمەن ءوزىنىڭ دە، وزگەنىڭ دە ءومىرىن قاۋىپ-قاتەرگە تىگەتىنىن تۇسىنبەي، ەرەجەنى ورەسكەل بۇزعان ايەل ادامنىڭ جول ورتاسىندا قوسسىزىقتى جولاق بويىمەن ءجۇرىپ بارا جاتقانى كورىنگەن. پوليتسەيلەر جول ءجۇرىسى قاعيداسىن بۇزعان وسكەمەن قالاسىنىڭ 32 جاستاعى تۇرعىنى مەن ونىڭ وپەراتورىن انىقتاپ، اكىمشىلىك جاۋاپكەرشىلىككە تارتتى.
سونىمەن قاتار ءتارتىپ ساقشىلارى الداعى ۋاقىتتا وسىنداي جاعدايلاردىڭ الدىن الۋ ماقساتىندا پروفيلاكتيكالىق اڭگىمە جۇرگىزدى. ش ق و پوليتسيا دەپارتامەنتى ازاماتتاردى جول ءجۇرۋ قاعيدالارىن قاتاڭ ساقتاۋعا شاقىرادى جانە ءبىر قاراعاندا قاتتى ماڭىزى جوق بولىپ كورىنگەن زاڭبۇزۋشىلىقتاردىڭ ءوزى اۋىر زارداپتارعا اكەپ سوعۋى مۇمكىن ەكەنىن ەسكەرتەدى.
