وسكەمەندە جول اپاتى ەكى جارىم ەسە ارتتى
وسكەمەن. KAZINFORM - وسكەمەن قالاسىندا جىل باسىنان بەرى جول اپاتىنان 414 ادام زارداپ شەكتى.
وسى جىلدىڭ 5 ايىندا قالا بويىنشا 300 دەن استام جول-كولىك وقيعاسى تىركەلدى. بۇل كورسەتكىش وتكەن جىلمەن سالىستىرعاندا 2,5 ەسەگە ارتىپ وتىر.
جول اپاتىنان 414 ادام ءتۇرلى دەنە جاراقاتىن العان. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنتسياسى بارىسىندا وسكەمەن قالاسى پوليتسيا باسقارماسىنىڭ باستىعى ورىنباسارىنىڭ مىندەتىن اتقارۋشى، پوليتسيا مايورى ەركىن ساتتىبايەۆ ءمالىم ەتتى.
- جول-كولىك وقيعالارىنىڭ الدىن الۋ ءۇشىن پوليتسيا قىزمەتكەرلەرى جول بەلگىلەرى مەن جارىقتاندىرۋ جۇيەسىنىڭ جاعدايىن تەكسەرىپ، جول ەرەجەلەرىن ورەسكەل بۇزعان ازاماتتاردى اكىمشىلىك جاۋاپكەرشىلىككە تارتىپ جاتىر. شاھار بويىنشا جۇرگىزۋشىلەرگە جول قوزعالىسى ەرەجەلەرىنە قاتىستى جادىنامالار تاراتىلىپ، الەۋمەتتىك جەلىلەردە وقىتۋ ماقساتىنداعى بەينەروليكتەر دە جاريالاندى، - دەدى ول.
سونىمەن قاتار مەكتەپتەردە، بازارلاردا جانە ساۋدا ورتالىقتارىندا جولداعى قاۋىپسىزدىك تۋرالى ءتۇسىندىرۋ جۇمىستارى قولعا الىنعان.
اۆتور
تالعاتجان مۇحامەتبەك ۇلى
