وسكەمەندە جالعان حاتتامالار تولتىرىپ كەلگەن پوليتسەي سوتتالدى

وسكەمەن. KAZINFORM - وسكەمەن قالاسىندا جالعان حاتتامالار تولتىرىپ كەلگەن پوليسيا قىزمەتكەرى سوتتالدى.

قالالىق №2 سوتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىسىنا ق ر ق ك- ءنىڭ 416-بابى 2-بولىگىنە قاتىستى قىلمىستىق ءىس قارالعان.

«انىقتالعانداي، وسكەمەن قالالىق پ ب پاترۋلدىك پوليتسيا باتالونىنىڭ ينسپەكتورى بولىپ جۇمىس ىستەگەن ايىپتالۋشى ءوزىنىڭ قىزمەتتىك بابىن پايدالانا وتىرىپ، 2023 -جىلدىڭ 20-قاڭتارى مەن 5-اقپانى ارالىعىندا جالعان حاتتامالار تولتىرىپ كەلگەن. اتاپ ايتقاندا، قوعامدىق ورىندا ماس كۇيدە ءجۇرۋ تۋرالى 2، قوعامدىق ورىندا ءتيىسۋ تۋرالى 1 حاتتاما تولتىرعان»، - دەلىنگەن اقپاراتتا.

وسىلاي قىزمەتتىك كورسەتكىشىن جاقسارتۋدى كوزدەگەن پوليتسەي سوت بارىسىندا ءوز كىناسىن تولىقتاي مويىندادى.

«سوت شەشىمىمەن 3 جىل مەرزىمگە مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلعان سوتتالۋشى 400 ا ە ك (1380000 تەڭگە) كولەمىندە ايىپپۇل تولەۋگە مىندەتتەلدى. ۇكىم ءالى زاڭدى كۇشىنە ەنگەن جوق»، - دەلىنگەن حابارلامادا.