وسكەمەندە ءبىر اپتادا 20 دان استام ادامدى ءيت قاپتى

وسكەمەن. KAZINFORM - وسكەمەن قالاسىندا قاڭعىباس يتتەردەن زارداپ شەككەندەر سانى ارتىپ كەلەدى.

قالا تۇرعىندارى كوشەلەردە يەسىز يتتەردىڭ قاپتاپ جۇرەتىنىنە جىل باسىنان بەرى شاعىمدانىپ كەلە جاتىر. ال سوڭعى كۇندەرى ولار «مەتاللۋرگتەر» ساياباعىندا بۇرالقى يتتەردەن اياق الىپ جۇرە المايتىندىقتارىن جەتكىزگەن. ءيت قاۋىپ العاندار دا از ەمەس.

بەلگىلى بولعانداي، وسكەمەندەگى مەديتسينالىق مەكەمەلەرگە 7-13-شىلدە ارالىعىندا ءيت قاپقان 23 ادام جۇگىنگەن.

- وتكەن اپتادا ادامدى جانۋارلار تىستەگەن 31 فاكتى تىركەلدى. ونىڭ ىشىندە 10 ى - ۇيدەگى ءيت، 13 ءى - بۇرالقى ءيت. سونىمەن قاتار 6 ادامدى ۇيدەگى مىسىق تىستەپ العان. بارلىعىنا ءتيىستى ەم كورسەتىلدى، - دەپ حابارلادى ش ق و دەنساۋلىق ساقتاۋ باسقارماسىنىڭ باسپا ءسوز قىزمەتى.

ەسكە سالساق، كەشە وسكەمەندەگى ساياباقتا قاڭعىرعان يتتەر ادامدارعا قاۋىپ ءتوندىرىپ تۇرعانى جايلى جازعانبىز.