وسكەمەندە پارا العان پوليتسەي 3 جارىم ميلليون تەڭگە ايىپپۇل تولەيدى

وسكەمەن. KAZINFORM - وسكەمەن قالاسىندا پارا العان پوليتسيا قىزمەتكەرى 3 جارىم ميلليون تەڭگە ايىپپۇل تولەيدى.

قالالىق №2 سوتى باسپا ءسوز قىزمەتىنىڭ مالىمەتىنە سۇيەنسەك، پوليتسەي ايىپ تۇراعىنا قويىلعان اۆتوكولىكتەردى قابىلداۋ-تاپسىرۋ اكتىلەرىن جانە الۋعا رۇقساتتاردى زاڭسىز بەرگەنى ءۇشىن 100000 تەڭگە كولەمىندە پارا العان.

سوت بارىسىندا ايىپتالۋشى ءوز كىناسىن تولىقتاي مويىنداپ، ىستەگەنىنە قاتتى وكىنەتىندىگىن ءبىلدىردى. ءىستى جەڭىلدەتەتىن ءمان-جاي رەتىندە ونىڭ قاراۋىندا كامەلەتكە تولماعان بالالارىنىڭ بارى دا ەسكەرىلدى.

«سوت شەشىمىمەن پوليتسيا قىزمەتكەرىنە 3500000 تەڭگە ايىپپۇل سالىندى. ول پوليتسيا پودپولكوۆنيگى شەنىنەن ايىرىلدى. ۇكىم ءالى زاڭدى كۇشىنە ەنگەن جوق»، - دەلىنگەن اقپاراتتا.

اۆتور

تالعاتجان مۇحامەتبەك ۇلى