ورتالىق ازيانى سىن-قاتەر ايماعى دەپ قاراۋ دۇرىس ەمەس - FAO باس ديرەكتورى

استانا. KAZINFORM - ازىق-تۇلىك جانە اۋىلشارۋاشىلىق ۇيىمىنىڭ باس ديرەكتورى (FAO) سيۋي دۋنيۋي استانا حالىقارالىق فورۋمىندا ورتالىق ازيا ەلدەرىنە سۋ تاپشىلىعى ماسەلەسىن ىنتىماقپەن شەشۋگە شاقىردى.

- سۋ تاپشىلىعىنىڭ ەكولوگيالىق، الەۋمەتتىك سالدارى بولاتىنى قازىردىڭ وزىندە سەزىنىپ وتىرمىز. سۋ قاۋىپسىزدىگى بولماسا، كليمات كۇيزەلىستەرىنە قارسى ورنىقتىلىق تا بولمايدى. ەۋروپادا، ورتالىق ازيا ايماعىندا ازىق-تۇلىك، سۋ قاۋىپسىزدىگى اسا ماڭىزدى پروبلەما بولىپ وتىر. ورتالىق ازيا ەلدەرى، سونىڭ ىشىندە قازاقستان، تاجىكستان، تۇرىكمەنستان، وزبەكستان كليمات وزگەرىسىنىڭ ۇلكەن ىقپالىندا. بۇل ءۇردىس كوپتەگەن سالانىڭ تۇراقتىلىعىنا اسەر ەتىپ جاتقانىن كورىپ وتىرمىز، - دەدى ول.

سونداي-اق، ول بۇل پروبلەمانى شەشۋدە ءوزارا ىنتىماق پەن جاساندى ينتەللەكت تاپتىرمايتىن قۇرال بولا الاتىنىن ايتتى.

- ورتالىق ازيانى بۇل تۇرعىدان سىن-قاتەرلەر ايماعى دەپ ايتۋعا بولمايدى. ونى كەرىسىنشە مۇمكىندىكتەر ايماعى دەپ اتاۋعا بولادى. سىزدەرگە بۇل پروبلەمالارعا تۇتاس اعزا رەتىندە قاراۋ كەرەك. ول مۇمكىندىكتەردى ىسكە اسىرۋ ءۇشىن ىنتىماق كەرەك. ويتكەنى ءبارىمىز ءبىر وزەن باسسەينىنىڭ بويىندا تۇرىپ جاتىرمىز. شەكارا وزەندى توقتاتپايتىنىن تۇسىنەسىزدەر عوي. سوندىقتان ءوزارا سەنىمگە قۇرىلعان، اشىق قارىم-قاتىناس قۇرۋ قاجەت. بۇل ماقساتتارعا جاساندى ينتەللەكت قۇرالدارىن دا قولدانۋعا بولادى، - دەدى سيۋي دۋنيۋي.

ايتا كەتەيىك، ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن استانا حالىقارالىق فورۋمى ءوتىپ جاتىر.

اۆتور

ەسىمجان ناقتىباي