ورتالىق ازياداعى لەنيننىڭ ەڭ بيىك ەسكەرتكىشى الىندى
استانا. KAZINFORM - قىرعىزستاننىڭ ەكىنشى ءىرى قالاسى وشتا بيلىك وكىلدەرى ورتالىق ازياداعى ۆلاديمير لەنيننىڭ ەڭ بيىك ەسكەرتكىشى دەپ سانالاتىن ءمۇسىندى الىپ تاستادى، دەپ حابارلايدى TRT.
1975 -جىلى قىرعىزستان كەڭەس وداعىنىڭ قۇرامىندا بولعان كەزدە ورناتىلعان بۇل 23 مەترلىك ەسكەرتكىشتىڭ جەرگە قويىلعان سۋرەتى ينتەرنەتتە جاريالاندى. وشتاعى بۇل ەسكەرتكىش كوپشىلىكتىڭ نازارىن اۋدارماستان الىنىپ تاستالدى. ول قاراپايىم قالالىق جوسپارلاۋ رەتىندە سيپاتتالدى. وش قالالىق اكىمدىگى بۇل ارەكەتتى «قالىپتى ارەكەت» دەپ اتاپ، ايماقتىڭ «ساۋلەتتىك جانە ەستەتيكالىق كەلبەتىن» جاقسارتۋعا باعىتتالعانىن مالىمدەدى.
شەنەۋنىكتەر لەنين ەسكەرتكىشتەرى سانكت-پەتەربۋرگ پەن بەلگورود سياقتى رەسەي قالالارىندا دا «بۇزىلعان نەمەسە باسقا جەرلەرگە كوشىرىلگەنىن» اتاپ ءوتىپ، بۇل ماسەلەنى «ساياسيلاندىرماۋ» كەرەكتىگىن ايتتى.
ەسكەرتكىشتىڭ ورنىنا تۋ تۇعىرى ورناتىلادى، بۇل بۇرىن بىشكەك قالاسىنداعى لەنين ەسكەرتكىشى كوشىرىلگەن كەزدە دە جاسالعان بولاتىن.
ايتا كەتەيىك، رەسەي ءبىر اپتا بۇرىن ماسكەۋدەگى ەڭ قاربالاس مەترو ستانسيالارىنىڭ بىرىندە يوسيف ستالينگە ارنالعان ەسكەرتكىش ورناتقان بولاتىن.
