«ورتالىق ازيا-قىتاي» سامميتىنىڭ استانا دەكلاراتسياسىنا قول قويىلدى
استانا. KAZINFORM - «ورتالىق ازيا-قىتاي» سامميتىنىڭ استانا دەكلاراتسياسىنا قول قويىلدى. بۇل تۋرالى Ⅱ سامميت قورىتىندىسىنا وراي وتكەن بريفينگتە «ورتالىق ازيا-قىتاي» فورماتى حاتشىلىعىنىڭ باس حاتشىسى سۋن ۆەيدۋن ءمالىم ەتتى.
- التى مەملەكەتتىڭ باسشىسى «ورتالىق ازيا-قىتاي» Ⅱساميتىنىڭ استانا دەكلاراتسياسىنا جانە قىتاي، قازاقستان، قىرعىزستان، تاجىكستان، تۇرىكمەنستان، وزبەكستان اراسىنداعى ماڭگى تاتۋ كورشىلىك، دوستىق جانە ىنتىماقتاستىق تۋرالى شارتقا بىرگە قول قويدى. سونىمەن قاتار ءۇش ىنتىماقتاستىق ورتالىعى مەن ءبىر ىنتىماقتاستىق پلاتفورماسىنىڭ اشىلۋ سالتاناتىنا قاتىستى، - دەدى سۋن ۆەيدۋن.
ايتا كەتەيىك، ەلوردادا «ورتالىق ازيا-قىتاي» Ⅱسامميتى ءوتىپ جاتىر. ءىس-شاراعا مەملەكەت باسشىسى قاسىم-جومارت توقايەۆ، ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزيەۆ، قىرعىزستان پرەزيدەنتى سادىر جاپاروۆ، تۇرىكمەنستان پرەزيدەنتى سەردار بەردىمۇحامەدوۆ جانە تاجىكستان پرەزيدەنتى ەمومالي راحمون قاتىسىپ وتىر.
قاسىم-جومارت توقايەۆ سامميت بارىسىندا ورتالىق ازيا مەن قىتايدىڭ ءتيىمدى ىنتىماقتاستىعى ءۇشىن بارلىق قاجەتتى شارت بار ەكەنىنە توقتالدى.
اۆتور
مارلان جيەمباي
