ورتالىق ازيا ەلدەرى تەمپەراتۋرانىڭ جوعارىلاۋ ماسەلەسىمەن بەتپە- بەت كەلەدى - پرەزيدەنت

قاسىم-جومارت توقايەۆ ساميتتە سويلەگەن سوزىندە ورتالىق ازيا ەلدەرى تەمپەراتۋرانىڭ 2,5 گرادۋسقا دەيىن جوعارىلاۋ ماسەلەسىمەن بەتپە-بەت كەلەتىنىن ايتتى، دەپ حابارلايدى Kazinform.

«كەڭىرەك ايتقاندا، حالىقارالىق قوعامداستىق كليمات باعىتىنداعى باعدارلامالارعا بولىنەتىن قارجى كولەمىن ۇلعايتۋعا قاتىستى ءوز مىندەتتەمەلەرىن كۇشەيتەدى دەپ ۇمىتتەنەمىز. ءبىراق قارجىلاندىرۋ - تەك كەدەرگىلەردىڭ باسى عانا.

2050-جىلعا قاراي جاھاندىق تەمپەراتۋرانىڭ 1,5 گرادۋسقا دەيىن كوتەرىلۋىن شەكتەي العانىمىزبەن، ورتالىق ازيا ەلدەرى ءبارىبىر تەمپەراتۋرانىڭ 2,5 گرادۋسقا دەيىن جوعارىلاۋ ماسەلەسىمەن بەتپە- بەت كەلەدى. بۇل سۋ تاپشىلىعىنا، قاتتى ىستىققا، شولگە جانە ەكسترەمالدى گيدرولوگيالىق قۇبىلىستارعا اكەپ سوقتىرادى. سوندىقتان مۇنداي قيىن جاعدايدان قاشىپ قۇتىلا المايمىز جانە وعان بەيىمدەلۋگە ءماجبۇرمىز»، - دەدى پرەزيدەنت.