ورتاعاسىرلىق قۇپيا قورىم تابىلدى

қорым
Фото: ВВС

  ۋەلستىڭ وڭتۇستىگىنەن تابىلعان ەرتە ورتا عاسىرعا جاتاتىن بەيىت ارحەولوگتاردى اڭ-تاڭ ەتتى. Kazinform بۇل تۋرالى BBC گە سىلتەمە جاساپ حابارلايدى.

6-7-عاسىرلارداعى جەتپىسكە جۋىق جەرلەۋ ورنى ىشىندە ازىرگە تەك 18 تاس مولا عانا تولىق زەرتتەلگەن.

قاڭقالار جاقسى ساقتالعان، ولاردىڭ كەيبىرى ەرەكشە كۇيدە جەرلەنگەن.

زيراتتان تابىلعان قارۋ مەن باسقا بۇيىمدار ءبىر قاراعاندا سول كەزەڭ مەن جەرلەۋ سيپاتىنا ساي كەلمەيتىن ءتارىزدى. وسى ماسەلە ارحەولوگتاردا كوپتەگەن سۇراق تۋدىردى.

كونە بەيىت ۋەلس استاناسى كارديفف اۋەجايىنىڭ ۇشۋ- قونۋ جولاعى جانىندا، فونمون قامالىنا جاقىن تۇستاعى ەشكىم ءمان بەرمەيمىن جەردە ورنالاسقان.

ءبىراق توپىراقتىڭ بەتكى قاباتىن مۇقيات الىپ، كونە مولالارعا جەتۋ ءۇشىن ارحەولوگتاردىڭ ەكى جىل ۋاقىتى كەتكەن.

سەبەبى جۇمىستار تەك جاز مەزگىلىندە، جىلى كەزدە جۇرگىزىلۋى قاجەت بولدى.

رەدينگ ۋنيۆەرسيتەتىندە ەجەلگى قاڭقالاردىڭ ەرەكشەلىكتەرىن زەرتتەيتىن عالىم ساممەر كورتستىڭ سوزىنشە، 1500 جىلدىق ادام قاڭقاسى تاڭعالارلىقتاي جاقسى ساقتالعان.

ءبىراق ەڭ تۇسىنىكسىزى - تابىلعان بۇيىمدارعا نازار اۋدارار بولساق، مۇندا جەرلەنگەن ادامداردى قوعامنىڭ قاراپايىم وكىلدەرى بولعان دەپ ايتۋ قيىن.

ماسەلەن، مولالاردىڭ بىرىنەن ساۋىتتىڭ ءبىر بولىگى تابىلدى.

شىنىنىڭ قالىڭدىعى مەن ۋاقىتىن ەسكەرسەك ول بۇل جەرگە كونتينگەنتتەن، قازىرگى فرانسۋزدىق بوردو پروۆينتسياسىنان اكەلگەن ءتارىزدى.

تەڭىزدىڭ ار جاعىنداعى تۇرعىندارمەن ساۋدا-ساتتىقتىڭ بولعانىن دالەلدەيتىن باسقا دا زاتتار، ونىڭ ىشىندە افريكا كونتينگەنتىنىڭ سولتۇستىگىنەن اكەلىنۋى مۇمكىن كەراميكا بولىكتەرى تابىلدى.

قاتارداعى ادامداردا مۇنداي قىمبات ءارى ساپالى زاتتار بولۋى مۇمكىن ەمەس.

«بۇل ادامدار ساپالى يمپورتتىق تاۋارلارعا قول جەتكىزە العانىن، ونى ساۋدا جولدارى ارقىلى الدەبىر بايلار جەتكىزىپ وتىرعانىن دالەلدەيدى»،-دەيدى كارديفف ۋنيۆەرسيتەتىنىڭ عالىمى تيۋدەر دەيۆيس.

كومىلگەن زاتتاردىڭ ناقتى قاي ۋاقىتقا جاتاتىنىن انىقتاۋ ءۇشىن د ن ق تالداۋىن جاساۋ قاجەت. ول قۇپيانى اشۋعا كومەكتەسىپ قالار.

سوڭعى جاڭالىقتار