وردا ايماق. ەل وڭىرلەرىندە جاڭا يپوتەكالىق باعدارلاما ىسكە قوسىلادى
استانا. KAZINFORM - ەلىمىزدە ايماقتارعا ارنالعان جاڭا «وردا ايماق» يپوتەكالىق باعدارلاماسى 7-ساۋىردە باستالادى، دەپ حابارلايدى «قازاقستان تۇرعىن ءۇي كومپانياسى» ا ق.
كومپانيا تاراتقان اقپاراتقا سايكەس «وردا ايماق» يپوتەكالىق نەسيەلەندىرۋدىڭ جاڭا باعدارلاماسى 2025 -جىلدىڭ 7 - ساۋىرىنەن باستاپ ىسكە قوسىلادى دەپ جوسپارلانعان.
- جاڭا يپوتەكالىق باعدارلاما ق ت ك كەپىلدىگىمەن قۇرىلىسقا ۇلەستىك قاتىسۋ تۋرالى شارت بويىنشا سالىنىپ جاتقان تۇرعىن ءۇيدى ساتىپ الۋعا مۇمكىندىك بەرەدى. بۇل ق ت ك كەپىلدىگىمەن ۇلەسكەردىڭ ينۆەستيتسيالارى قورعالاتىنىن بىلدىرەدى: قۇرىلىس اياقتالماعان نەمەسە قۇرىلىس سالۋشى بانكروت بولعان جاعدايدا، ق ت ك ءۇي قۇرىلىسىنىڭ اياقتالۋىنا كەپىلدىك بەرەدى. وتىنىمدەر «وتباسى بانكى» ا ق ۋاكىلەتتى اگەنتتەرى ارقىلى قابىلدانادى. 21 جاستان اسقان قازاقستاننىڭ كەز كەلگەن ازاماتى قارىز الۋشى بولا الادى. «وتباسى بانك» ا ق- دا دەپوزيتتىڭ بولۋى بويىنشا قارىز الۋشىعا قويىلاتىن تالابى مەن تۇرعىن ءۇيدىڭ بولۋى بويىنشا شەكتەۋ «وردا ايماق» باعدارلاماسىنا قولدانىلمايدى، - دەلىنگەن حابارلامادا.
باعدارلامانىڭ نەگىزگى ارتىقشىلىقتارى:
15,9% مولشەرىندە بەلگىلەنگەن سىياقى مولشەرلەمەسى، ج ت س م %17,26 - دان %22,81 - عا دەيىن.
يكەمدى شارتتار:
باستاپقى جارنا: %20 باستاپ.
قارىز سوماسى: 1 ميلليون تەڭگەدەن 75 ميلليون تەڭگەگە دەيىن.
قارىز مەرزىمى: 12 ايدان 240 ايعا دەيىن.
تۇرعىن ءۇيدىڭ باستاپقى قۇنى تومەن: سالىنىپ جاتقان تۇرعىن ءۇيدىڭ باعاسى دايىن تۇرعىن ۇيگە قاراعاندا تومەن.
- سالىنىپ جاتقان قۇرىلىس وبەكتىلەرىنىڭ سيپاتتاماسىمەن، سونداي-اق ساتۋ بولىمشەلەرى مەن كونسۋلتانتتاردىڭ بايلانىستارىمەن قتك تۇرعىن ءۇي پورتالىندا orda.homeportal.kz تانىسۋعا بولادى. تولىق اقپارات الۋ ءۇشىن ق ت ك- نىڭ call-ورتالىعىنا حابارلاسىڭىز:
77172797575+ قالالىق تەلەفون، 88000804448 - ۇيالى تەلەفون، - دەپ اتاپ ءوتتى «قازاقستان تۇرعىن ءۇي كومپانياسى» ا ق باسپا ءسوز قىزمەتى.
