ورالدا توبەلەس كەزىندە ەر ادامنىڭ قۇلاعىن كەسىپ العان تۇرعىن سوتتالدى

ورال. KAZINFORM - ورال قالالىق سوتىندا ا. دەگەن تۇرعىنعا قاتىستى ق ر ق ك 107-بابى 2-بولىگى 5-تارماعىنا سايكەس ۇكىم شىقتى.

ب ق و سوتىنىڭ باسپا ءسوز قىزمەتىنەن ءمالىم ەتكەنىندەي، اتالمىش تۇرعىن 2024 -جىلدىڭ قازان ايىندا تۇنگى ساعات 02.00-دە كافەگە دەمالۋعا بارعان.

كافەدە بۇدان بۇرىن بىرنەشە رەت كەزدەستىرگەن ش-نىڭ دوستارىمەن ىشىمدىك ءىشىپ وتىرعانىن كورىپ، سالەمدەسكەن. سول كەزدە تانىسى ۇستەلگە وتىرۋدى ۇسىنعاندا، بۇل كەلىسىپ، بىرگە ىشىمدىك ىشۋگە كىرىسكەن.

ودان ءارى ش. مەن ا. اراسىندا كەلىسپەۋشىلىك تۋىنداپ، سىرتقا شىققاننان كەيىن توبەلەس باستالعان. ا. تاياۋ ماڭداعى كولىك جۋۋ ورتالىعىنا قاراي قاشا جونەلگەن. اشىق تۇرعان كولىك جۋۋ ورتالىعىنا كىرىپ، ۇستەلدەن اس ءۇي پىشاعىن الىپ، سىرتقا قاراي شىققان. سوسىن قارسى جۇگىرىپ كەلگەن ش. ، ت. ، جانە ن. دەگەن ەر ادامدى كورىپ، تىعىپ قويعان پىشاعىن الىپ، ش-عا قاراي سەرمەگەن. ش-نىڭ ءىنىسى ن. قورعاۋ ماقساتىمەن ا-نىڭ قولىن ۇستاپ قالعان. سول ساتتە سوتتالۋشى ن-عا قاراي قاساقانا پىشاعىن كوتەرىپ، ونىڭ سول جاق قۇلاعىن كەسىپ العان.

- ا. دەنساۋلىققا قاساقانا اۋىرلىعى ورتاشا زيان كەلتىرگەنى ءۇشىن جابىرلەنۋشى ن. سوتتالۋشىدان 10 ميلليون تەڭگە مورالدىق زيان جانە 40 مىڭ تەڭگە ماتەريالدىق شىعىن ءوندىرۋ تۋرالى ازاماتتىق تالاپ ارىز بەردى. سوتتالۋشى كىناسىن مويىنداپ، جاساعان ىسىنە تولىق وكىنەتىنىن ءبىلدىردى. سوت ا-نى كىنالى دەپ تانىپ، ودان 1 ميلليون تەڭگە مورالدىق زيان جانە 40 مىڭ تەڭگە ماتەريالدىق شىعىن ءوندىرىپ، 3 جىلعا باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەنگەن جوق، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ب ق و-دا جولاۋشى قازا تاۋىپ، جۇرگىزۋشىنىڭ سوتتالعانىن جازعان ەدىك.

اۆتور

عايساعالي سەيتاق