ورالدا قالانىڭ باس جوسپارىنا قاتىستى شۋ شىقتى: اكىم ورىنباسارىنا سوگىس بەرىلدى
ورال. KAZINFORM - ورال قالاسىندا باس جوسپاردى تۇزەتۋ جوباسىنا قاتىستى شىققان شۋعا وراي ءتيىستى شارا قولدانىلدى.
Kazinform بۇدان بۇرىن جازعانىنداي، قوعامدىق تىڭدالىم كەزىندە اكىمدىك سايتىندا جۇكتەلگەن جوبالىق ماتەريالداردا ورال ەمەس، كوبىنەسە قاراعاندى مەن سەمەي قالالارىنىڭ دەرەكتەرى جاريالانىپ كەتكەنى ايتىلعان ەدى.
قالا تۇرعىنى دانيل ماكاتۋحانىڭ ءمالىم ەتكەنىندەي، بارلىق ەسەپ ورالعا ەش قاتىسى جوق دەرەكتەر نەگىزىندە جاسالعان. سونداي-اق اتالعان باس جوسپار جوباسى ءۇشىن جوبالاۋشى مەكەمەگە 250 ميلليون تەڭگە تولەنگەنى بەلگىلى بولدى.
ورال قالاسى اكىمدىگىنەن الىنعان مالىمەتكە قاراعاندا، سول كەزدەگى جاۋاپتى ارحيتەكتۋرا مامانى قازىرگى ۋاقىتتا جۇمىس ىستەمەيدى. سوندىقتان وعان تارتىپتىك شارا قولدانۋ مۇمكىن بولمادى.
- سوگىس ورال قالاسى اكىمىنىڭ ورىنباسارى ازامات حالەلوۆكە بەرىلدى، - دەپ حابارلادى اكىمدىكتىڭ باسپا ءسوز قىزمەتىنەن.
ەسكە سالا كەتەيىك، بۇدان بۇرىن ورالدا باس جوسپاردى تۇزەتۋ جوباسىنا قاتىستى شۋ شىققانىن جازعان ەدىك.
اۆتور
عايساعالي سەيتاق
