ورالدا ادام ءولتىرىپ، حالىقارالىق ىزدەۋدە جۇرگەن قاسكوي ۇستالدى
استانا. KAZINFORM - ورالدا پوليتسيا حالىقارالىق ىزدەۋدە جۇرگەن ازاماتتى قولعا ءتۇسىردى، دەپ حابارلايدى ءى ءى م باسپا ءسوز قىزمەتى.
قازاقستان رەسپۋبليكاسى ىشكى ىستەر مينيسترلىگى وتكەن جىلدارداعى قىلمىستىڭ اشىلۋىن ءجىتى باقىلاۋدا ۇستاپ وتىر.
اتاپ ايتقاندا، 17-قاڭتاردا ورالدا باتىس قازاقستان وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قىلمىستىق پوليتسيا باسقارماسىمەن بىرلەسىپ، «بەركۋت» ارنايى جاساعىنىڭ كۇشتىك قولداۋىمەن 33 جاستاعى ازاماتتى ۇستادى.
- ۇستاۋ جەدەل اقپارات نەگىزىندە جۇزەگە اسىرىلدى. انىقتالعانداي، اتالعان ازامات ورال قالاسى اۋماعىندا جاسالعان ەر ادامدى ءولتىرۋ دەرەگى بويىنشا اسا اۋىر قىلمىس جاساعانى ءۇشىن 2024-جىلدان بەرى حالىقارالىق ىزدەۋدە بولعان. قازىر كۇدىكتى ۋاقىتشا ۇستاۋ يزولياتورىنا قامالدى. اتالعان دەرەك بويىنشا قاجەتتى تەرگەۋ ارەكەتتەرى جۇرگىزىلىپ جاتىر، - دەلىنگەن مينيسترلىك حابارلاماسىندا.
ىشكى ىستەر مينيسترلىگى وتكەن جىلدارداعى اۋىر جانە اسا اۋىر قىلمىستاردى اشۋ بويىنشا جۇيەلى جۇمىستى جالعاستىرىپ جاتىر.
بۇدان بۇرىن ورالدا مەديتسينا قىزمەتكەرىنە كۇش قولدانعان تۇرعىنعا قاتىستى قىلمىستىق ءىس قوزعالعانىن جازعانبىز.
