وقۋشى ساتىدان قۇلادى: استانادا مەكتەپ ديرەكتورىنىڭ ۇستىنەن ءىس قوزعالدى

وقۋشى باسپالداقتان قۇلاعان مەكتەپ ديرەكتورىنا قىلمىستىق ءىس قوزعالدى، دەپ حابارلايدى قازاقپارات ءتىلشىسى.

«اناسىمەن حابارلاسىپ وتىرمىن. قازىرگى ۋاقىتتا بالانىڭ جاعدايى، ورتاشا اۋىرلىق دەڭگەيىندە، جاقسارىپ كەلەدى. اقىل- ەسىن بىلەدى. سۇراققا جاۋاپ بەرەدى، نۇسقاۋلاردى ورىندايدى. كوگنەتيۆتى فۋنكسياسى ساقتالعان. قاراشىعى بىردەي، فوتورەاكسيا ساقتالعان. كوماعا تۇسكەن جوق. مەكتەپ باسشىلىعىنا قاتىستى قىلمىستىق ءىس قوزعالدى. مەكتەپتىڭ وقۋ جىلىنا دايىندىق ساپاسى بويىنشا تەكسەرۋ ءجۇرىپ جاتىر»، - دەپ جازدى بالا قۇقىقتارى جونىندەگى ۋاكىل دينارا زاكيەۆا Instagram-پاراقشاسىندا.

ەسكە سالايىق، استانا قالاسىنداعى №14 مەكتەپ- گيمنازيانىڭ وقۋشىسى ەكىنشى قاباتقا كوتەرىلىپ بارا جاتىپ، باسپالداقتان قۇلاپ كەتكەن بولاتىن.

بۇگىن قالالىق قوعامدىق دەنساۋلىق ساقتاۋ باسقارماسى بالانىڭ جاعدايىن ايتىپ، مەكتەپكە جەدەل جاردەم بريگاداسى نەلىكتەن جارتى ساعاتقا جۋىق ءجۇرىپ بارعانىن ءتۇسىندىردى.