وقۋدان شىعارىلىپ، استانادان اقتوبەگە قاشقان اۋعانستان ازاماتتارى ۇستالدى
اقتوبە. KAZINFORM - اقتوبە پوليتسياسى اۋعانستان ازاماتتارىن جالدامالى پاتەردەن تاپتى. كەيىن ولاردى استاناداعى پوليتسيا قىزمەتكەرلەرىنە جىبەرەدى.
اقتوبە پوليتسياسى 1998، 1995، 2000، 2004، 2006 -جىلى تۋعان اۋعانستان ازاماتتارىن تاۋىپ، ولاردى بولىمشەگە جەتكىزدى. وقۋدان شىعىپ قالعان شەتەلدىكتەر تالاپ بويىنشا ەلىنە قايتۋى ءتيىس بولعان.
— پوليتسيا دەپارتامەنتىنە ەلوردانىڭ جوعارى وقۋ ورىندارىنىڭ ءبىرىنىڭ جەتى ستۋدەنتىن، اۋعانستان ازاماتتارىن ىزدەۋ تۋرالى ءوتىنىش كەلىپ ءتۇستى. ستۋدەنتتەر وقۋدان شىعارىلعان جانە ءوز ەلىنە قايتۋى ءتيىس بولعان. الايدا شەتەلدىكتەردىڭ رەسەي فەدەراتسياسىنا كەتۋگە وقتالعانى، اقتوبە قالاسىندا جاسىرىنىپ جۇرگەنى انىقتالدى. پوليتسيا قىزمەتكەرلەرى قوناقۇي، جاتاقحانالار مەن جالدامالى پاتەرلەردى تەكسەردى. جۇرگىزىلگەن ءىس- شارالاردىڭ ناتيجەسىندە ولار جالدامالى پاتەرلەردىڭ بىرىنەن تابىلدى. شەتەلدىكتەر پوليتسياعا جەتكىزىلىپ، ەلوردالىق ارىپتەستەرگە بەرىلەدى، - دەدى اقتوبە وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
