وقۋ-اعارتۋ ءبىرىنشى ۆيتسە-ءمينيسترى اۋىستى
استانا. KAZINFORM - ق ر ۇكىمەتىنىڭ قاۋلىسىمەن مايرا مەلدەبەكوۆا وقۋ-اعارتۋ ءبىرىنشى ۆيتسە-ءمينيسترى قىزمەتىنە تاعايىندالدى، دەپ حابارلايدى ۇكىمەتتىڭ باسپا ءسوز قىزمەتى.
مايرا تۇرعانباي قىزى مەلدەبەكوۆا 1971-جىلى دۇنيەگە كەلگەن. اباي اتىنداعى الماتى ەڭبەك قىزىل تۋ وردەنى ۋنيۆەرسيتەتىن، قورقىت اتا اتىنداعى قىزىلوردا مەملەكەتتىك ۋنيۆەرسيتەتىن بىتىرگەن.
ەڭبەك جولىن 1988-جىلى پيونەر لاگەرىنىڭ تاربيەشىسى بولىپ باستاعان.
1993-2005-جىلدارى ارالىعىندا شىمكەنت قالاسىنىڭ، شىعىس قازاقستان جانە الماتى وبلىستارىنىڭ ءبىرقاتار مەكتەپتەرىندە مۇعالىم، ديرەكتوردىڭ ورىنباسارى، ديرەكتور قىزمەتتەرىن اتقاردى.
2005-2018-جىلدارى - قازاقستان رەسپۋبليكاسى ءبىلىم جانە عىلىم مينيسترلىگىنىڭ باس مامانى، باسقارما باستىعى، دەپارتامەنت ديرەكتورىنىڭ ورىنباسارى، ديرەكتورى.
2018-2020-جىلدارى - قىزىلوردا وبلىسى ءبىلىم باسقارماسىنىڭ باسشىسى؛
2020-2021-جىلدارى - قازاقستان رەسپۋبليكاسى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم بەرۋ كوميتەتىنىڭ ءتوراعاسى؛
2021-2022-جىلدارى - قازاقستان رەسپۋبليكاسى ءبىلىم جانە عىلىم مينيسترلىگى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى ءتوراعاسىنىڭ ورىنباسارى؛
2022-جىلدان باستاپ قازىرگى ۋاقىتقا دەيىن قازاقستان رەسپۋبليكاسى وقۋ-اعارتۋ مينيسترلىگى ءبىلىم سالاسىنداعى ساپانى قامتاماسىز ەتۋ كوميتەتى ءتوراعاسىنىڭ ورىنباسارى قىزمەتىن اتقارعان.
بۇعان دەيىن جامبىل وبلىسى دەنساۋلىق ساقتاۋ باسقارماسىنىڭ باسشىسى تاعايىندالعانىن جازدىق.
