گونكونگ ۋنيۆەرسيتەتى گارۆارد ستۋدەنتتەرىن قابىلدايدى
استانا. قازاقپارات - گونكونگ عىلىم جانە تەحنولوگيا ۋنيۆەرسيتەتى گارۆارد ستۋدەنتتەرىن قابىلدايدى. جوعارعى وقۋ ورىنى ءبىلىمدى جاستارعا اكادەميالىق باسپانا ۇسىنىپ وتىر.
تاياۋدا پرەزيدەنت دونالد ترامپ گارۆاردقا شەتەلدىك ازاماتتاردى وقۋعا قابىلداۋعا تىيىم سالدى. ال ءبىلىم الىپ جاتقاندار باسقا ۋنيۆەرسيتەتكە اۋىسۋعا ءتيىس. امەريكاداعى قىتايلىق ستۋدەنتتەردىڭ 20 پايىزى وسى گارۆاردتا وقيدى. پرەزيدەنت دونالد ترامپ بۇل شارامەن عانا شەكتەلىپ قويا سالمايدى.
ول گارۆاردتى قارجىلاندىرۋدى 3 ميلليارد دوللارعا قىسقارتپاق. بۇل تۋرالى اق ءۇي باسشىسى الەۋمەتتىك جەلىدەگى رەسمي پاراقشاسىندا مالىمدەدى. ونىڭ سوزىنشە، قوماقتى قارجى امەريكاداعى باسقا جوعارى وقۋ ورىندارىنا بولىنەدى. دونالد ترامپ گارۆاردتىڭ ءبىلىم بەرۋ جانە كادر ماسەلەسىنە ارالاسپاقشى. الايدا جوعارعى وقۋ ورنى باسشىلىعى بۇعان جول بەرمەي وتىر.
