وليمپيادادا قانشا الەمدىك رەكورد جاڭاردى

استانا. KAZINFORM - فرانسيا استاناسى پاريج قالاسىندا وتەتىن جازعى وليمپيادا ويىندارى جاقىنداعان سايىن سپورت جانكۇيەرلەرىن، «قاي ەل قانشا مەدال الادى؟ وليمپيادادا كىمدەر رەكورد جاسايدى؟ كىمدەر جارق ەتىپ جاسىنداي جارقىرايدى؟» دەگەن سۇراقتار مازالاپ جۇرگەنى ايدان انىق.

ءبىز بۇگىن سوڭعى افينا وليمپياداسىنان بەرى قارايعى توكيو ويىندارىنا دەيىنگى ءتورت جىلدىق باستى باسەكەدە قانشا الەمدىك رەكورد جاسالعانىن وقىرمان نازارلارىنا ۇسىنامىز.

افينا وليمپياداسى - 47 الەمدىك رەكورد؛

پەكين وليمپياداسى - 34 الەمدىك رەكورد؛

لوندون وليمپياداسى - 32 الەمدىك رەكورد؛

ريو وليمپياداسى - 27 الەمدىك رەكورد؛

توكيو وليمپياداسى - 17 الەمدىك رەكورد.

ال بيىل پاريجدە كىمدەر قانشا رەكورد جاساي الادى؟ ونى الداعى ۋاقىت كورسەتە جاتار.

ەستەرىڭىزگە سالا كەتەيىك، قازىرگى تاڭدا ءتورت جىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 80 جولداما جەڭىپ الدى. ناقتىراق ايتساق، بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.

فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11 -تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.