20:34, 11 - شىلدە 2024 | GMT +6
وليمپيادا ويىندارىندا قازاقستان اتىنان 8 بالۋان سىنعا تۇسەدى
استانا. KAZINFORM - گرەك-ريم، ەركىن جانە ايەلدەر كۇرەسى فەدەراتسياسى بالۋانداردىڭ وليمپيادا قارساڭىنداعى سوڭعى جاتتىعۋ جيىنى قايدا وتەتىنىن جاريالادى، دەپ جازادى Olympic.kz.
وتاندىق بالۋاندار پاريج وليمپياداسىنىڭ الدىنداعى سوڭعى دايىندىق كەزەڭىن الماتى وبلىسىندا وتكىزەدى. بۇل پاريج ويىندارىنا دايىندىقتىڭ ءۇشىنشى كەزەڭى سانالادى.
جاتتىعۋ جيىنى 21-شىلدە مەن 2-تامىز ارالىعىندا ۇيىمداستىرىلماق. وقۋ-جاتتىعۋ جيىنىنا وليمپياداعا قاتىساتىن بالۋاندار مەن ولاردىڭ سپاررينگ سەرىكتەستەرى قاتىسادى.
ايتا كەتەلىك، جازعى وليمپيادا ويىندارىندا قازاقستان اتىنان جالپى ەسەبى 8 بالۋان سىنعا تۇسەدى. ولاردىڭ تورتەۋى ەركىن كۇرەستەن باق سىناسا، تورتەۋى - گرەك-ريم كۇرەسىنىڭ وكىلدەرى.
