وليمپيادا چەمپيونى دميتري بالاندين جاڭا قىزمەتكە تاعايىندالدى
استانا. KAZINFORM - قازاقستاننىڭ سۋ سپورتى تۇرلەرى فەدەراتسياسىنىڭ كەزەكتەن تىس كونفەرەنسياسى بارىسىندا ۇيىمنىڭ باس حاتشىسى قىزمەتىنە جۇزۋدەن وليمپيادا چەمپيونى دميتري بالاندين تاعايىندالدى.
سەرگەي دروزدوۆتىڭ باس حاتشى رەتىندەگى وكىلەتتىگىن مەرزىمىنەن بۇرىن توقتاتۋ تۋرالى مالىمدەمەسىنەن كەيىن كونفەرەنسيا قاتىسۋشىلارى بالانديننىڭ كانديداتۋراسىن ءبىراۋىزدان قولدادى.
- دميتري بالانديننىڭ تاعايىندالۋى - ونىڭ سپورتتاعى وراسان زور جەتىستىكتەرىنىڭ مويىندالۋى عانا ەمەس، سونىمەن قاتار فەدەراتسيانى جاڭعىرتۋ مەن ينستيتۋتسيونالدىق تۇرعىدان نىعايتۋدىڭ ماڭىزدى قادامى. ءبىز ونىڭ كاسىبيلىگى مەن بەدەلى ەلىمىزدەگى سۋ سپورتى تۇرلەرىنىڭ دامۋىنا ۇلكەن ۇلەس قوسادى دەپ سەنەمىز، - دەدى فەدەراتسيا پرەزيدەنتى نۇرلان جاقىپوۆ.
دميتري بالاندين - قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، 2016 -جىلعى وليمپيادا چەمپيونى، ازيا ويىندارى مەن حالىقارالىق تۋرنيرلەردىڭ بىرنەشە دۇركىن جەڭىمپازى. 2021 -جىلدان باستاپ ول جۇزۋدەن قازاقستان ۇلتتىق قۇراماسىندا جاتتىقتىرۋشى جانە كەڭەسشى رەتىندە بەلسەندى جۇمىس ىستەپ كەلەدى.
