وليمپيادا جۇلدەگەرى نازىم قىزايباي رەفەرەندۋمدا داۋىس بەردى
الماتى. KAZINFORM - بوكستان پاريج وليمپياداسىنىڭ قولا جۇلدەگەرى نازىم قىزايباي قازاقستاندا اتوم ەلەكتر ستانساسىن سالۋ جونىندەگى رەفەرەندۋمدا داۋىس بەردى.
تانىمال قازاقستاندىق بوكسشى تاڭداۋىن الماتىداعى №186 ورتا مەكتەپتە ورنالاسقان № 515 رەفەرەندۋم ۋچاسكەسىندە جاسادى.
ول بۇگىن بۇكىل ەل ءۇشىن ماڭىزدى كۇن ەكەنىن، سوندىقتان داۋىس بەرۋگە قاتىسۋ تۋرالى شەشىم قابىلداعانىن جەتكىزدى.
ايتا كەتەيىك، الماتىدا جالپى حالىقتىق رەفەرەندۋمدا داۋىس بەرۋ 624 ۋچاسكەدە ءجۇرىپ جاتىر. ونىڭ 549 ى ازاماتتاردى تۇراقتى تىركەۋ ورىندارى بويىنشا بولسا، ال 75 ءى - اۋرۋحانالار، ساناتوريلەر جانە اسكەري بولىمدەر سياقتى ۋاقىتشا ورنالاسقان ورىندار.
سونداي- اق 172 ۋچاسكەدە تىركەۋدى تەكسەرۋ سەرۆيستەرى ورناتىلادى. ولار داۋىس بەرۋشىلەر ءوزىن تىزىمىنەن تاپپاعان جاعدايدا قولدانىلادى.
مەگاپوليستە 1,2 ميلليون استام ادام داۋىس بەرۋگە قۇقىلى.
وسىعان دەيىن الماتى اكىمى ەربولات دوسايەۆتىڭ جۇبايىمەن بىرگە داۋىس بەرۋ ورنىنا كەلگەنى تۋرالى جازعان ەدىك.
ەسكە سالايىق، بۇگىن قازاقستاندىقتار اتوم ەلەكتر ستانتسياسىن سالۋ ماسەلەسى بويىنشا جالپى ۇلتتىق رەفەرەندۋمدا داۋىس بەرەدى.
