گەولوگتارعا پرەزيدەنت اتىنان مەملەكەتتىك ناگرادالار تاپسىرىلدى
استانا. كاسىبي مەرەكە - گەولوگ كۇنى قارساڭىندا پرەزيدەنت قاسىم-جومارت توقايەۆتىڭ اتىنان پرەمەر- مينيستر ولجاس بەكتەنوۆ گەولوگيا سالاسىنىڭ ماماندارىنا مەملەكەتتىك ناگرادالاردى تابىس ەتتى.
بيىل گەولوگ كۇنى جۇمىسشى ماماندىقتار جىلى اياسىندا اتاپ وتىلەدى. مەملەكەت باسشىسىنىڭ تاپسىرماسى بويىنشا سالا وكىلدەرىنىڭ ەڭبەگىن جوعارى باعالاۋ ماقساتىندا «قازاقستاننىڭ ەڭبەك سىڭىرگەن گەولوگى» جاڭا قۇرمەتتى اتاعى بەرىلدى.
«بيىل ەلىمىزدىڭ تاريحىندا العاش رەت گەولوگتەرگە ارنالعان مەملەكەتتىك ناگرادا ەنگىزىلدى. بۇل - مەملەكەت باسشىسىنىڭ ەلىمىزدىڭ ەكونوميكالىق دامۋىنا قوسقان سىزدەردىڭ ۇلەستەرىڭىزگە دەگەن جوعارى باعاسى. مامانداردىڭ جاڭا بۋىنىنا باعا جەتپەس ءبىلىم، تاجىريبە جانە كاسىپتىڭ ۇزدىك داستۇرلەرىن ۇيرەتكەن سالا ارداگەرلەرىنە ەرەكشە العىس ايتامىز»، - دەدى ولجاس بەكتەنوۆ.
پرەمەر- مينيستر ەل ەكونوميكاسى قۇرىلىمىنداعى گەولوگيانىڭ ماڭىزدىلىعىن اتاپ ءوتتى. 2024 -جىلعا قازاقستان اۋماعىنىڭ گەولوگيالىق بارلاۋ كولەمى 2 ميلليون شارشى ك م- دەن اسادى، بۇل جالپى الاڭنىڭ شامامەن %74 ىن قۇرايدى.
مەملەكەتتىك گەولوگيالىق بارلاۋ جۇمىستارى ەسەبىنەن وتكەن جىلدىڭ قورىتىندىسى بويىنشا 38 جاڭا پەرسپەكتيۆالى كەن ورنى انىقتالدى. 2025 -جىلى قاراعاندى وبلىسىندا سيرەك جەر مەتالدارىنىڭ قورى 800 مىڭ توننادان اساتىن كۇيرەكتىكول ۋچاسكەسى اشىلدى، ال بولجامدى رەسۋرستار، ونىڭ ىشىندە تسەريي مەن لانتانويدتار 935 مىڭ توننادان اسادى دەپ باعالانۋدا.
ولجاس بەكتەنوۆ بۇگىن مەملەكەت باسشىسى گەولوگيالىق قوعامداستىقتىڭ الدىنا كومىرسۋتەك الەۋەتىن تەرەڭدەتىپ زەرتتەۋ بويىنشا ماڭىزدى مىندەتتەر قويعانىن اتاپ ءوتتى. قازاقستاندا 15 شوگىندى باسسەين انىقتالعان، ولاردىڭ ىشىندەگى ەڭ ءىرىسى كاسپي ماڭى بولىپ سانالادى - وعان ەلدىڭ رەسۋرستىق بازاسىنىڭ شامامەن %80 ى تيەسىلى. از زەرتتەلگەن باسسەيندەردى يگەرۋ رەسۋرستىق بازانى ۇلعايتۋ جانە ينۆەستيتسيالار تارتۋ ءۇشىن ايتارلىقتاي پەرسپەكتيۆالار اشادى.
سالا ءۇشىن جوعارى بىلىكتى ماماندار دايارلاۋعا باسا نازار اۋدارىلۋدا. جوعارى وقۋ ورىندارى ءبىلىم بەرۋ باعدارلامالارىن وندىرىسپەن بىرىكتىرىپ، ستۋدەنتتەر جەر قويناۋىن مەملەكەتتىك گەولوگيالىق زەرتتەۋ نىساندارىندا تاجىريبەدەن وتۋدە. قابىلدانعان قولداۋ شارالارىنىڭ ناتيجەسىندە سوڭعى 2 جىلدا تۇلەكتەر سانى 2 ەسەدەن استام ءوستى.
مەملەكەت باسشىسىنىڭ تاپسىرماسى بويىنشا بيىلدان باستاپ گەولوگيالىق جۇمىستاردى قارجىلاندىرۋ كولەمى ارتادى.
قازاقستان رەسپۋبليكاسى پرەزيدەنتىنىڭ جارلىعىمەن ەلىمىزدىڭ گەولوگيا سالاسىن دامىتۋعا قوسقان ەلەۋلى ۇلەسى ءۇشىن «قازاقستاننىڭ ەڭبەك سىڭىرگەن گەولوگى» قۇرمەتتى اتاعى:
➤ بيتيمبايەۆ مارات - ق. ي. ساتبايەۆ اتىنداعى گەولوگيا عىلىمدارى ينستيتۋتى جشس باس عىلىمي قىزمەتكەرى، الماتى قالاسى؛
➤ داۋكەي سەرىكبەك - ق ر ۇعا اكادەميگى، الماتى قالاسى.
«قۇرمەت» وردەنى:
➤ حايرلى ءابىلحاسىموۆ - گەولوگيا سالاسىنىڭ ارداگەرى، ق. ي. ساتبايەۆ اتىنداعى گەولوگيا عىلىمدارى ينستيتۋتىنىڭ باس عىلىمي قىزمەتكەرى، الماتى قالاسى
➤ ءابىلقاسىم باتىروۆ - گەولوگيا سالاسىنىڭ ارداگەرى، ورال قالاسى
➤ ءاشىرالى بيجانوۆ - گەولوگيا سالاسىنىڭ ارداگەرى، الماتى قالاسى
➤ جۋكوۆ نيكولاي - ق. ساتبايەۆ اتىنداعى گەولوگيا عىلىمدارى ينستيتۋتى جشس قارا جانە ءتۇستى مەتالدار زەرتحاناسىنىڭ باس عىلىمي قىزمەتكەرى، الماتى قالاسى
➤ راحات كۋكەيەۆا - «باقىرشىق تاۋ- كەن ءوندىرۋ كاسىپورنى» جشس جەتەكشى گەولوگ- بارلاۋشىسى، اباي وبلىسى
➤ تالعات ماتىشيەۆ - «قازاقمىس كورپوراتسياسى» جشس گەولوگيا دەپارتامەنتى گەولوگيالىق بارلاۋ قىزمەتى باس گەولوگىنىڭ ورىنباسارى، قاراعاندى قالاسى
➤ باقىتگۇل مۇسيەۆا - «Geotek» ج ش س جەتەكشى گەولوگى، قاراعاندى قالاسى
➤ الەكساندر نيكولاەنكو - «قارمەت» ا ق كومىر باسقارماسى ءتۇسىپ كۇزەمبايەۆ اتىنداعى شاحتانىڭ باس گەولوگى، قاراعاندى قالاسى
➤ رۋسناك ۆالەري - ەڭبەك ارداگەرى، تۇركىستان وبلىسى.
Ⅲدارەجەلى «ەڭبەك داڭقى» وردەنىمەن:
➤ اندرەي سۆەتليچنىي - «Professional Geo Solutions Kazakhstan» ج ش س باس گەوفيزيگى، الماتى قالاسى
«ەرەن ەڭبەگى ءۇشىن» مەدالدارى تابىستالدى:
➤ اقمارال بايسالوۆا - «ق. ساتبايەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتى» ، ق. تۇرىسوۆ اتىنداعى گەولوگيا جانە مۇناي- گاز ءىسى ينستيتۋتىنىڭ دوتسەنتى، الماتى ق.
➤ گۇلشات يسمايلوۆا - «ماڭعىستاۋمۇنايگاز» ا ق گەولوگيالىق بارلاۋ باسقارماسىنىڭ گەولوگيا ءبولىمىنىڭ باستىعى، ماڭعىستاۋ وبلىسى
➤ كوماروۆا ناتاليا - «سەنترگەولسەمكا» ج ش س گەولوگى، قاراعاندى قالاسى؛
➤ ەرعالي قۇرابايەۆ - «اقپان» جشس بۇرعىلاۋ شەبەرى، اقتوبە قالاسى
➤ نازيگۇل مينايەۆا - «گەولوگيالىق بارلاۋ كوللەدجى» ق م ك ق ديرەكتورى، سەمەي قالاسى
➤ سايدا نىعماتوۆا - «ق. ي. ساتبايەۆ اتىنداعى گەولوگيالىق عىلىمدار ينستيتۋتى» جاۋاپكەرشىلىگى شەكتەۋلى سەرىكتەستىگىنىڭ مەزوزوي جانە كاينوزوي گەولوگيا زەرتحاناسىنىڭ مەڭگەرۋشىسى، الماتى قالاسى.
