ولجاس بەكتەنوۆ گەولوگيالىق بارلاۋ مەن جەر قويناۋىن پايدالانۋدى دامىتۋ جونىندە كەڭەس وتكىزدى
قونايەۆ. KAZINFORM - پرەمەر-مينيستر ولجاس بەكتەنوۆ مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» اتتى حالىققا جولداۋىندا جانە بيىل قاڭتاردا ۇكىمەتتىڭ كەڭەيتىلگەن وتىرىسىندا قويىلعان مىندەتتەردى ىسكە اسىرۋ شەڭبەرىندە گەولوگيا مەن جەر قويناۋىن پايدالانۋدى دامىتۋ ماسەلەلەرى جونىندە كەڭەس وتكىزدى.
بۇل تۋرالى ۇكىمەتتىڭ باسپا ءسوز قىزمەتى حابارلادى.
كەڭەستە ونەركاسىپ جانە قۇرىلىس مينيسترلىگىنىڭ گەولوگيالىق-گەوفيزيكالىق زەردەلەۋ الاڭىن كەڭەيتۋ، سالاعا ينۆەستيتسيالار تارتۋ، جاڭا پەرسپەكتيۆالى جوبالاردى ىسكە اسىرۋ جونىندەگى تاسىلدەرى قارالدى. سونداي-اق «سامۇرىق-قازىنا» ۇ ءا ق ا ق جانە «تاۋ-كەن سامۇرىق» ا ق باسشىلىعى دا قاتىستى.
2026 -جىلعا قاراي گەولوگيالىق-گەوفيزيكالىق زەرتتەۋ الاڭىن 2,2 ميلليون ك م 2-گە دەيىن ۇلعايتۋ بويىنشا جۇرگىزىلىپ جاتقان جۇمىستارعا نازار اۋدارىلدى. ونەركاسىپ جانە قۇرىلىس ءمينيسترى ەرسايىن ناعاسپايەۆ بۇگىندە جەر قويناۋىن مەملەكەتتىك گەولوگيالىق زەرتتەۋ 1:200000 ماسشتابتا جۇرگىزىلىپ جاتقانىن باياندادى. پەرسپەكتيۆالى جوبالاردا 1:25000 ماسشتابتى ەنگىزۋ جوسپارلانۋدا، بۇل الەۋەتتى كەن ورىندارىن انىقتاۋعا، سونداي-اق سالانىڭ ينۆەستيتسيالىق تارتىمدىلىعىن ارتتىرۋعا جانە ەگجەي- تەگجەيلى كارتاعا تۇسىرۋگە مۇمكىندىك بەرەدى.
ۇكىمەت وتىرىسىندا (2024 -جىلعى 3- جەلتوقساندا) جەر استى ۇلتتىق بايلىقتى زەرتتەۋگە، مەملەكەتتىك كومپانيالاردى تارتۋعا قاتىستى بۇرىن قويىلعان مىندەتتەر شەڭبەرىندە ۆەدومستۆو «تاۋ-كەن سامۇرىق» ۇلتتىق تاۋ-كەن كومپانياسىمەن ءوزارا ءىس-قيمىلدى كۇشەيتتى. ءبىرىنشى كەزەڭدە مينيسترلىك پەرسپەكتيۆالى ۋچاسكەلەردى انىقتاي وتىرىپ، گەولوگيالىق بارلاۋ جۇرگىزەدى. بۇدان ءارى ۇلتتىق كومپانيا ينۆەستيتسيا الدىنداعى دايىندىقتى (الدىن الا بارلاۋ، تەحنولوگيالاردى ىرىكتەۋ، تەن ازىرلەۋ) باستايدى، سودان كەيىن دەربەس نەمەسە سەرىكتەستەرمەن بىرلەسىپ يگەرۋگە كىرىسەدى. وسى پروتسەسكە كىرمەگەن ۋچاسكەلەر اۋكسيوندارعا بەرىلەدى.
اتالعان تەتىك بويىنشا ەلىمىزدە قاراتاس (مىس)، جوساباي (التىن)، سولتۇستىك قاتپار، جوعارعى قايراقتى (ۆولفرام) كەن ورىندارىندا پيلوتتىق جوبالار ىسكە اسىرىلىپ جاتىر. كەلەسى جوبا وتكەن جىلى قاراعاندى وبلىسىندا اشىلعان جانە جارتىلاي وتكىزگىشتەر مەن قۋاتتى ماگنيتتەر وندىرىسىندە پايدالانىلاتىن جەردە سيرەك كەزدەسەتىن مەتالداردىڭ قوماقتى قورلارى بار كۇيرەكتىكول كەن ورنىن قاراستىرادى.
جوبانى ىسكە اسىرۋ ەكونوميكانىڭ ارالاس جوعارى تەحنولوگيالىق سالالارىن دامىتۋعا دا ىقپال ەتەدى. 2024 -جىلى قازاقستاندا بارلىعى 38 پەرسپەكتيۆالى ق پ ق (قاتتى پايدالى قازبالار) الاڭى انىقتالدى. بۇدان بولەك، گەولوگيالىق بارلاۋعا ينۆەستيتسيالار تارتۋ ماسەلەلەرى قارالدى. سوڭعى 6 جىلدا ق پ ق بارلاۋعا جەكە ينۆەستورلار سالىمدارىنىڭ كولەمى ءۇش ەسەگە ءوسىپ، 2024 -جىلى 100 ميلليارد تەڭگە بولدى. سونىمەن قاتار گەولوگيالىق بارلاۋعا مەملەكەتتىك ينۆەستيتسيالار جەتكىلىكسىز دەڭگەيدە.
پرەمەر-مينيستر ينۆەستيتسيالاردى تارتۋ، ءتيىستى ينفراقۇرىلىمدى دامىتۋ جانە جەر قويناۋىن زەرتتەۋدە جاڭا عىلىمي تاسىلدەردى ەنگىزۋ جونىندەگى الداعى جۇمىستارعا باسا نازار اۋداردى. ءتيىستى مينيسترلىككە جانە «سامۇرىق-قازىنا» ۇ ءا ق- عا ەلدىڭ مينەرالدى-شيكىزات بازاسىن كەشەندى دامىتۋعا باعىتتالعان تسيكل قۇرۋ جونىندەگى بىرلەسكەن شارالاردى كۇشەيتۋ تاپسىرىلدى.
قارجى مينيسترلىگىنە گەولوگيالىق بارلاۋدى مەملەكەتتىك قارجىلاندىرۋدى ۇلعايتۋ ءۇشىن قاراجات ىزدەۋ جونىندە تاپسىرما بەرىلدى.
ايتا كەتەيىك، 5 جىلدا گەولوگيالىق بارلاۋ جۇمىستارىنا 12 ميلليارد تەڭگە شەتەل ينۆەستيتسياسى تارتىلدى.
