ولجاس بەكتەنوۆ ەريەۆانداعى ەۋرازيالىق ۇكىمەتارالىق كەڭەس وتىرىسىنا قاتىستى
استانا. KAZINFORM - ولجاس بەكتەنوۆ ە ا ە و- عا قاتىسۋشى ەلدەردىڭ ۇكىمەتتەرى باسشىلارىمەن وداقتىڭ سيفرلىق كۇن ءتارتىبىن «زاماناۋي سيفرلاندىرۋ - ءتورت ەركىندىكتى قامتاماسىز ەتۋ يمپەراتيۆى» ءۇشىنشى ەۋرازيالىق ەكونوميكالىق فورۋمى اياسىندا تالقىلادى. بۇل تۋرالى ق ر ۇكىمەتىنىڭ باسپا ءسوز قىزمەتى ءمالىم ەتتى.
ەكونوميكالىق ۇدەرىستەردى سيفرلاندىرۋ پەرسپەكتيۆالارى تالقىلانعان ەۋرازيالىق ەكونوميكالىق فورۋمنىڭ پلەنارلىق وتىرىسىنا ارمەنيا، بەلارۋس، قىرعىزستان، رەسەي، وزبەكستان ۇكىمەتتەرىنىڭ باسشىلارى، سونداي-اق يراننىڭ ءبىرىنشى ۆيتسە- پرەزيدەنتى قاتىستى.
«پرەمەر- مينيستر ءوز سوزىندە مەملەكەت باسشىسى قاسىم-جومارت توقايەۆ ەاەو شەڭبەرىندە سيفرلاندىرۋدى دامىتۋعا ەرەكشە كوڭىل ءبولىپ وتىرعانىن اتاپ ءوتتى. فورۋمدا قازاقستاندىق تاراپ قاتىسۋشى ەلدەر اراسىندا مەملەكەتارالىق دەرەكتەر مەن ەلەكتروندى قۇجاتتار الماسۋعا مۇمكىندىك بەرەتىن وداقتىڭ ينتەگراتسيالانعان اقپاراتتىق جۇيەسىن تولىققاندى ەنگىزۋ قاجەتتىگىن اتاپ ءوتتى»، - دەلىنگەن حابارلامادا.
ە ۇ ا ك وتىرىسىندا شاعىن جانە كەڭەيتىلگەن قۇرامدا ساۋدا، كولىك جانە لوگيستيكا، ا و ك سالالارىنداعى ءوزارا ءىس-قيمىلدى ودان ءارى نىعايتۋدىڭ بىرلەسكەن شارالارى قارالدى.
