ولجاس بەكتەنوۆ رەسەي ۇكىمەتىنىڭ ءتوراعاسى ميحايل ميشۋستينمەن كەزدەستى
استانا. KAZINFORM - ولجاس بەكتەنوۆ پەن ميحايل ميشۋستين جوعارى دەڭگەيدە قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىن تالقىلادى. بۇل تۋرالى ۇكىمەتتىڭ باسپا ءسوز قىزمەتى حابارلادى.
وندا جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرى تالقىلاندى.
كەزدەسۋ بارىسىندا تاراپتار ستراتەگيالىق ارىپتەستىك پەن وداقتاستىققا نەگىزدەلگەن قازاقستان مەن رەسەي اراسىنداعى سەنىم مەن سىندارلى ديالوگتىڭ جوعارى دەڭگەيىن اتاپ ءوتتى. 2024 -جىلدىڭ قورىتىندىسى بويىنشا ءوزارا ساۋدا كولەمى $27,8 ميللياردقا جەتتى، 2025 -جىلعى قاڭتار- مامىردا $9,6 ميللياردقا جەتتى.
- مەملەكەتتەر باسشىلارىنىڭ تاپسىرماسى بويىنشا ءبىز ءوزارا ساۋدا كولەمىن $30 ميللياردقا دەيىن ۇلعايتۋ بويىنشا ماقساتتى جۇمىس جۇرگىزىپ جاتىرمىز. ينۆەستيتسيالىق ىنتىماقتاستىقتا زور مۇمكىندىكتەر بار. جالپى، ەكىجاقتى ءوزارا ءىس-قيمىل ماسەلەلەرىنىڭ كەڭ اۋقىمىن شەشۋدە ىنتىماقتاستىق جونىندەگى ۇكىمەتارالىق كوميسسيانىڭ ءتيىمدى قىزمەتىن اتاپ وتكىم كەلەدى، - دەدى ولجاس بەكتەنوۆ.
ەكى مەملەكەت اراسىنداعى ارىپتەستىكتى تەرەڭدەتۋ اياسىندا وسى جىلدىڭ كۇزىندە ورال قالاسىندا وتەتىن قازاقستان مەن رەسەيدىڭ XXI ءوڭىرارالىق ىنتىماقتاستىق فورۋمىنىڭ دايىندىق بارىسىنا ەرەكشە نازار اۋدارىلدى.
كەزدەسۋ قورىتىندىسى بويىنشا تاراپتار بارلىق باسىم باعىتتار بويىنشا ەكى ەل اراسىنداعى ءوزارا ءتيىمدى ەكونوميكالىق ىنتىماقتاستىقتى ودان ءارى تەرەڭدەتۋگە دايىن ەكەندىكتەرىن جەتكىزدى.
بۇعان دەيىن ولجاس بەكتەنوۆ قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسىن وتكىزدى.
