ولجاس بەكتەنوۆ قورعانىس مينيسترىنە ت ج م-عا كومەك كورسەتۋدى تاپسىردى
استانا. KAZINFORM - پرەمەر-مينيستر ولجاس بەكتەنوۆ قورعانىس مينيسترلىگىنە سۋ تاسقىنىنا بايلانىستى توتەنشە جاعدايلار مينيسترلىگىنە كومەك كورسەتۋدى تاپسىردى.
ۇكىمەت وتىرىسىندا پرەمەر-مينيستر ەلدەگى سۋ تاسقىنىنا بايلانىستى احۋال جايىندا بايانداما جاساعان توتەنشە جاعدايلار ۆيتسە-ءمينيسترى باۋىرجان سىزدىقوۆ: «كەرەك بولعان جاعدايدا قوسىمشا رەۋرستاردى، كۇشتەردى جۇمىلدىرۋعا دايىنسىزدار ما؟» دەپ سۇراعان ەدى. ساۋالعا جاۋاپ بەرگەن ۆيتسە-مينيستر دايىن ەكەندىكتەرىن اتاپ ءوتتى.
«ءدال سولاي. قازىرگى ۋاقىتتا 11 مىڭنان استام ادام جۇمىس ىستەپ جاتىر جانە 4 مىڭنان استام تەحنيكا جۇمىلدىرىلعان. ەگەر قوسىمشا قاجەت بولسا، قورعانىس مينيسترلىگىنەن دە كومەك سۇرايتىن بولامىز»، - دەدى باۋىرجان سىزدىقوۆ.
وسى ورايدا ۇكىمەت باسشىسى قورعانىس ءمينيسترى رۋسلان جاقسىلىقوۆقا ت ج م-عا كومەك كورسەتۋدى تاپسىردى.
«سىزگە توتەنشە جاعدايلار مينيسترلىگىنە بارلىق قاجەتتى كومەك كورسەتۋدى تاپسىرامىن. تەحنيكالىق كومەكپەن بىرگە جەكە قۇراممەن دە جاردەم كورسەتىڭىزدەر»، - دەدى ولجاس بەكتەنوۆ.
