ولجاس بەكتەنوۆ جەتىسۋ وبلىسىنىڭ اۋىل شارۋاشىلىعى سالاسى مەن ونەركاسىپتىك الەۋەتىنىڭ دامۋىن تەكسەردى
تالدىقورعان. KAZINFORM - جەتىسۋ وبلىسىنا جۇمىس ساپارى اياسىندا ق ر پرەمەر- ءمينيسترى ولجاس بەكتەنوۆ ءوڭىردىڭ ءبىرقاتار كاسىپورنىنا بارىپ، مەملەكەت باسشىسىنىڭ وڭدەۋ ونەركاسىبىن دامىتۋ جانە اۋىل شارۋاشىلىعى ونىمدەرىن تەرەڭ وڭدەۋ كولەمىن ۇلعايتۋ جونىندەگى تاپسىرمالارىنىڭ ىسكە اسىرىلۋىن تەكسەردى. بۇل تۋرالى ق ر ۇكىمەتىنىڭ باسپا ءسوز قىزمەتى مالىمدەدى.
تالدىقورعان قالاسىندا پرەمەر- مينيستر اۋىل شارۋاشىلىعى ونىمدەرىن وڭدەۋدە جەتىستىكتەر كورسەتكەن «JLC ءسۇت» ءسۇت ءوندىرۋ كاسىپورنىنا باردى. ءسۇت زاۋىتى - اۋىل شارۋاشىلىعى ونىمدەرىن وڭدەۋمەن اينالىساتىن وڭىردەگى نەگىزگى كاسىپورىنداردىڭ ءبىرى.
«JLC ءسۇت» ج ش س سەحىنىڭ باسشىسى ءامينا ارىنبەكوۆا كاسىپورىننىڭ وندىرىستىك قۋاتى جىلىنا 25 مىڭ تونناعا جەتەتىنىن مالىمدەدى. جارتىجىلدىق قورىتىندىسى بويىنشا 5,4 ميلليارد تەڭگەنىڭ ءونىمى ءوندىرىلدى. تاۋلىگىنە 80 توننادان 90 تونناعا دەيىن ءسۇت وڭدەلەدى، 62 ءونىم ءتۇرى شىعارىلادى. كاسىپورىندا 240 ادام جۇمىس ىستەيدى.
مۇندا ۇكىمەت باسشىسىنا ا ءو ك- تىڭ 2024-2026 -جىلدارعا ارنالعان دامۋ جوسپارلارى تۋرالى باياندالدى. وسى كەزەڭدە جالپى قۇنى 33,2 ميلليارد تەڭگەنى قۇرايتىن 31 ينۆەستيتسيالىق جوبانى ىسكە اسىرۋ كوزدەلگەن، ونىڭ 13 جوباسى بيىل ىسكە قوسىلادى. ازىق- تۇلىك ونىمدەرىنىڭ كولەمى %3,6 عا - 90 ميلليارد تەڭگەگە دەيىن ارتادى، سونداي- اق ەت (110,9 مىڭ توننا)، ءسۇت (225,3 مىڭ توننا) جانە قانت (96 مىڭ توننا) ءوندىرۋ كورسەتكىشتەرىنە قول جەتكىزىلەدى دەپ كۇتىلەدى.
پرەمەر- مينيستر اۋىل شارۋاشىلىعى مينيسترلىگى مەن وبلىس اكىمدىگىنىڭ نازارىن ا ءو ك- دەگى ءبىرقاتار مىندەتكە اۋداردى. جەتىسۋ وبلىسى اۋىل شارۋاشىلىعىندا قانت قىزىلشاسىن (ق ر- داعى ۇلەسى - %42)، جۇگەرىنى %18 جانە سويانى %72 وندىرۋگە ماماندانعان. سالانى دامىتۋدىڭ 2022-2026 -جىلدارعا ارنالعان كەشەندى جوسپارىنا سايكەس قانت قىزىلشاسىنىڭ القابىن 2026 -جىلعا قاراي 15 مىڭ گەكتارعا دەيىن جەتكىزۋ قاجەت. اكىمدىككە تۇقىم قورىن جانە مينەرالدى تىڭايتقىشتاردىڭ جەتكىلىكتى كولەمىن قامتاماسىز ەتۋ جونىندە شارالار قابىلداۋ تاپسىرىلدى.
سۋارمالى ەگىنشىلىك سالاسىندا سۋارۋ جەلىلەرىن جوندەۋ- قالپىنا كەلتىرۋ جۇمىستارىن مەرزىمىندە اياقتاۋ جانە 2026 -جىلعا قاراي سۋ بەرۋدى 30,5 مىڭ گەكتارعا جاقسارتۋ، سونداي- اق جاڭادان 5,3 مىڭ گەكتار سۋارمالى جەردى پايدالانۋعا قوسۋ تاپسىرىلدى.
مال شارۋاشىلىعى سالاسىندا تۇراقتى ءوسۋ ءۇردىسى بايقالادى. وسى جىلدىڭ باسىنان بەرى مال باسى % 26,3 عا ءوستى. مال شارۋاشىلىعىن دامىتۋ شەڭبەرىندە بيىل 1140 مال باسىنا ارنالعان 3 تاۋارلى- ءسۇت فەرماسىن كەڭەيتۋ، 1200 باسقا ارنالعان 1 تاۋارلى- ءسۇت فەرماسىن اشۋ جۇمىستارى جۇرگىزىلۋدە جانە 200 مال باسىنا ارنالعان 1 بورداقىلاۋ الاڭىن ىسكە قوسۋ جوسپاردا بار.
«جەتىسۋ وبلىسى اگرارلى ءوڭىر بولىپ سانالادى. ۇكىمەت ءوڭىردىڭ ا ءو ك- نە قاجەتتى قولداۋ كورسەتىپ كەلەدى. تەك بيىلدىڭ وزىندە 34,9 ميلليارد تەڭگە، ونىڭ ىشىندە 23,2 ميلليارد تەڭگە سۋبسيديا ءبولىندى. جالپى، «ءىرى جوبالار» جانە «اۋىل اماناتى» باعدارلامالارى اياسىندا وبلىسقا 9,8 ميلليارد تەڭگە ءبولىندى. وسى باعدارلامالاردىڭ ىسكە اسىرىلۋىن جانە مال شارۋاشىلىعى ءونىمىن ءوندىرۋ جانە قايتا وڭدەۋ بويىنشا جاڭا كاسىپورىندار اشۋدى قامتاماسىز ەتۋ قاجەت» ، - دەپ اتاپ ءوتتى ولجاس بەكتەنوۆ. پرەمەر- مينيستر ەلىمىزدىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن اۋىل شارۋاشىلىعى ونىمدەرىن تەرەڭ وڭدەۋ كولەمىن ۇلعايتۋ قاجەت ەكەنىن اتاپ ءوتتى.
بۇعان قوسا، جۇمىس ساپارى بارىسىندا ولجاس بەكتەنوۆ ءوڭىردىڭ ءىرى ونەركاسىپتىك كاسىپورنى - اۆتوموبيل اككۋمۋلياتورلارىن شىعاراتىن «قاينار ا ك ب» زاۋىتىنا باردى. زاۋىت ونەركاسىپ ءوندىرىسىنىڭ %33,6 ىن قامتاماسىز ەتە وتىرىپ، تالدىقورعان قالاسىنىڭ ەكونوميكاسىندا ماڭىزدى ءرول اتقارادى. وندىرىستىك قۋاتى - جىلىنا 3,6 ميلليون دانا، جۇمىس ىستەيتىن قىزمەتكەرلەر سانى - 1212 ادام.
پرەمەر- مينيسترگە كاسىپورىندا بۇعان دەيىن پايدالانىلعان اككۋمۋلياتورلاردى ەكولوگيالىق قاۋىپسىز تۇردە ۋتيليزاتسيالاۋ جانە باتارەيالاردى فراكسيالارعا - مەتالداندىرىلعان قورعاسىن، پاستا، پوليپروپيلەنگە ءبولىپ، قايتا وڭدەۋ تەحنولوگيالارىن ەنگىزۋ جونىندەگى جوبانى ىسكە اسىرۋ تۋرالى باياندالدى. بۇل - قۇرامىندا قورعاسىن بار قوسىلىستاردىڭ قورشاعان ورتاعا زياندى اسەرىن تومەندەتۋگە مۇمكىندىك بەرەدى.
ولجاس بەكتەنوۆ وتاندىق تاۋار وندىرۋشىلەردىڭ جۇمىسى مەن ولاردى قولداۋدىڭ ءوڭىر مەن ەل ەكونوميكاسى ءۇشىن ماڭىزىن اتاپ ءوتتى. ۇكىمەت قازاقستاندىق كومپانيالاردى قولداۋ، ونىڭ ىشىندە دايىن ءونىمدى ەل ىشىندە جانە الەمدىك نارىقتا وتكىزۋدەگى كەدەرگىلەردى جويۋ جونىندە جۇيەلى شارالار قابىلداۋدا. ءوز كەزەگىندە، كومپانيالاردىڭ وزدەرى ءونىم ساپاسىن جاقسارتۋدى جانە تەحنولوگيالىق پروتسەستەردى جەتىلدىرۋدى جوسپارلى تۇردە كورسەتۋى ءتيىس.
