ولجاس بەكتەنوۆ اۆياوتىن نارىعىن دامىتۋ ماسەلەلەرى بويىنشا كەڭەس وتكىزدى
استانا. KAZINFORM - پرەمەر-مينيستر ولجاس بەكتەنوۆ مەملەكەت باسشىسىنىڭ اۆياوتىن نارىعىن دامىتۋعا قاتىستى تاپسىرمالارىن جۇزەگە اسىرۋ ماسەلەلەرى جونىندە جيىن وتكىزدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ اۆياوتىنعا باعا بەلگىلەۋ تەتىگىن جەتىلدىرۋ: اتاپ ايتقاندا، اۆياوتىندى كوتەرمە جانە بولشەك ساۋدا، ونىڭ ىشىندە اۋەجايلار ارقىلى وتكىزۋ تاسىلدەرىن ۇسىندى.
يمپورتتى الماستىرۋعا نازار اۋدارىلدى. بۇگىندە «قازمۇنايگاز» ۇ ك» توبىنىڭ ءوندىرىسى وتاندىق اۋە كومپانيالار مەن مەملەكەتتىك اۆياتسيانىڭ اۆياوتىنعا دەگەن قاجەتتىلىگىن قامتاماسىز ەتىپ وتىر. «قازمۇنايگاز» ۇ ك» دەرەكتەرىنە سۇيەنسەك، 2031-جىلعا قاراي «پەتروقازاقستان ويل پروداكتس» ج ش س- ءنىڭ كەڭەيتۋ ناتيجەسىندە اۆياوتىن ءوندىرۋ كولەمى 1,5 ميلليون تونناعا دەيىن ارتادى.
سونىمەن قاتار اۋەجايلاردى قارجىلاندىرۋ قۇرىلىمىن وزگەرتۋ پەرسپەكتيۆالارى تالقىلاندى. ينفراقۇرىلىمعا قول جەتكىزۋدىڭ سەرۆيستىك مودەلىن ەنگىزۋ ولاردىڭ اۆياوتىننان باقىلاۋعا الىنباعان تابىستارعا تاۋەلدىلىگىن تومەندەتەدى، سونداي-اق اۋەجاي قىزمەتتەرى سالاسىنىڭ دامۋىنا سەرپىن بەرەدى. وسى باعىتتا اۋەجاي ينفراقۇرىلىمىن جاڭعىرتۋدى ىنتالاندىرۋ ءۇشىن كەلىسىلگەن ينۆەستيتسيالىق جوبالارى بار اۋەجايلارعا ءبىرجولعى كەيىنگە قالدىرۋدى ۇسىنا وتىرىپ، پرەزيدەنتتىڭ «ەكونوميكانى ىرىقتاندىرۋ جونىندەگى شارالارى تۋرالى» جارلىعىن ورىنداۋ شەڭبەرىندە ازىرلەنگەن نەگىزگى قۋاتقا قول جەتكىزۋ قاعيدالارىن ىسكە اسىرۋ مۇمكىندىگى قارالدى.
ەنەرگەتيكا ءمينيسترى ەرلان اقكەنجەنوۆ، كولىك ءمينيسترى مارات قارابايەۆ، «قازمۇنايگاز» ۇ ك» ا ق باسقارما ءتوراعاسىنىڭ ورىنباسارى اسەت ماعاۋوۆتىڭ جانە باسقا دا وكىلدەردىڭ ۇسىنىستارى تىڭدالدى.
كەڭەس قورىتىندىسى بويىنشا پرەمەر-مينيستر ءبىرقاتار تاپسىرما بەردى.
