16:44, 22 - ءساۋىر 2024 | GMT +5
پولشاعا قىسقى اۋا رايى قايتا ورالدى
استانا. KAZINFORM - پولشانىڭ مەتەورولوگيالىق قىزمەتى اركتيكا اۋاسىنىڭ ورتالىق ەۋروپاعا ەنۋىنەن ورناعان اياز تۋرالى ەسكەرتتى. ەلدىڭ باسىم بولىگىندە كۇن سۋىتتى، دەپ حابارلايدى euronews.
ءبىر-ەكى اپتا بۇرىن پولشاعا جاز كەلگەندەي بولدى. تەرمومەتر باعاناسى 26+ گرادۋسقا دەيىن كوتەرىلىپ، ودان دا جوعارى بولدى.
الايدا دەمالىس كۇندەرى ەلدىڭ كوپ بولىگىنە قىسقى كۇن رايى قايتا ورالدى. كەيبىر ايماقتاردا تۇندە اۋا تەمپەراتۋراسى نولدەن تومەن ءتۇستى. جاڭبىر، قار ارالاس جاڭبىر جاۋدى.
مەتەورولوگيالىق قىزمەت اركتيكا اۋاسىنىڭ ورتالىق ەۋروپاعا ەنۋىنەن بولعان اياز تۋرالى ەسكەرتتى.
دەسە دە، پولشا تۇرعىندارى اۋا رايىنىڭ قۇبىلۋىنا تاڭ قالماي، ءساۋىر ايىندا ادەتتە كۇن رايى تۇراقسىز بولاتىنى قالىپتى جاعداي ەكەنىن ايتىپ جاتىر.
