پولشا ءتورت كۇندىك جۇمىس اپتاسىنا كوشەدى
استانا. KAZINFORM - پولشانىڭ وتباسى، ەڭبەك جانە الەۋمەتتىك ساياسات مينيسترلىگى 30-ماۋسىمنان باستاپ جۇمىس ۋاقىتىن اپتاسىنا بەس كۇننەن ءتورت كۇنگە قىسقارتۋ بويىنشا پيلوتتىق باعدارلامانى ىسكە قوسادى، دەپ حابارلادى The Warsaw پورتالى.
قىزمەتكەر مەن جۇمىس بەرۋشى ەكى نۇسقانىڭ ءبىرىن تاڭداي الادى:
اپتاسىنا ءتورت كۇن جۇمىس ىستەۋ (بىردەي جالاقىمەن)
جۇمىس كۇنىن 6 ساعاتقا دەيىن قىسقارتۋ.
ءتيىستى زاڭ 2027-جىلدىڭ قاراشاسىنا دەيىن تولىعىمەن قابىلدانادى دەپ جوسپارلانۋدا.
بۇل جوبا جۇمىس بەرۋشىگە زيان كەلتىرمەيدى: كەيبىر كومپانيالار مەن مەملەكەتتىك ورگاندار جۇمىس كەستەسىن وزگەرتكەنى ءۇشىن 1 ميلليون زلوتيگە دەيىن الادى. ءبىرىنشى جىلى جوباعا جالپى بيۋجەتتەن 10 ميلليون زلوتي بولىنەدى.
ساراپشىلار جۇمىس ۋاقىتىن قىسقارتۋ رەسمي تۇردە ءتيىمدى ەكەنىن العا تارتادى. مىسالى، فرانسيادا جۇمىس ۋاقىتىن قىسقارتۋ جالپى ىشكى ءونىمنىڭ 81 پايىزعا وسۋىنە اكەلدى.
ەسكە سالا كەتەيىك، پولشا بالتىق تەڭىزىندە العاشقى تەڭىز جەل ستانتسياسىن سالىپ جاتىر.
