پولشا اسكەري قۋاتىن ارتتىرىپ جاتىر

استانا. قازاقپارات - ا ق ش پولشاعا 4 ميلليارد ا ق ش دوللارى كولەمىندە نەسيە كەپىلدىگىن بەكىتتى. رەسمي ۆارشاۆانىڭ مالىمدەۋىنشە، قاراجات مەملەكەتتىڭ اسكەري الەۋەتىن كۇشەيتۋگە جۇمسالادى.

 اسىرەسە، اۋە جانە زىمىراندىق قورعانىس جۇيەسىن نىعايتۋعا باسا ءمان بەرىلمەك. پولشا بۇگىندە ناتو- نىڭ جاي عانا مۇشەسى ەمەس، ول اليانستىڭ شىعىس قاناتىنداعى اسكەري، ساياسي جانە لوگيستيكالىق تۇرعىدان ماڭىزدى ستراتەگيالىق تىرەگى. گەوساياسي جاعدايىنا بايلانىستى ۆارشاۆا ايماقتىڭ قاۋىپسىزدىگىنە جاۋاپتى بەلسەندى ويىنشى.

 ونىڭ وسى ىقپالىن ەسكەرگەن ا ق ش ۇكىمەتى پولياك ەلىنە جالپى سوماسى 11 ميلليارد دوللار كولەمىندە نەسيە بەرۋدى جوسپارلاپ وتىر. ونىڭ 4 ميللياردى رەسمي تۇردە بەكىتىلىپ، تاراپتار ەكى جاقتى كەلىسىمگە قول قويدى.

ۆلاديسلاۆ كوسينياك- كامىش، پولشا قورعانىس ءمينيسترى:

- پولشا قارۋلى كۇشتەرىنىڭ الەۋەتىن ارتتىرۋعا جانە ناتو- نىڭ شىعىس شەكاراسىنداعى تۇراقتىلىق پەن قاۋىپسىزدىكتى قامتاماسىز ەتۋگە باعىتتالادى. ءبىز Patriot زىمىراندىق كەشەندەرىن، Apache تىكۇشاقتارىن جانە زامانۋي باسقارۋ جۇيەلەرىن ساتىپ الۋدى جوسپارلاپ وتىرمىز.

پولشا سوڭعى 3 جىلدا قورعانىس شىعىندارىن ارتتىردى. 2024 -جىلى ۆارشاۆا سالاعا ج ءى ءو- ءنىڭ %4,1- ىن بولسە، بيىل بۇل كورسەتكىشتى %4,7- عا دەيىن ۇلعايتتى. ال كەلەر جولى ونى %5- عا جەتكىزۋدى كوزدەيدى. بۇل ونى اليانستىڭ قورعانىس شىعىندارى ەڭ جوعارى مەملەكەتتەردىڭ قاتارىنا قوسىپ وتىر.

 برەنت كريستەنسەن، ا ق ش مەملەكەتتىك دەپارتامەنتىنىڭ سىرتقى قىزمەت وفيتسەرى:

 - وداقتىڭ بەيبىتشىلىك، قاۋىپسىزدىك جانە ستراتەگيالىق ارىپتەستىك ساياساتىن نىعايتۋعا باعىتتالعان تاعى ءبىر ناقتى قادام. وسى كەلىسىم ارقىلى كەيىنگى 2 جىل ىشىندە ا ق ش- تىڭ پولشاعا بەرگەن جالپى نەسيەسى 15 ميلليارد دوللاردان استى. پولشا 3 جىل بۇرىن قارۋلى كۇشتەرىن ۇلعايتۋ تۋرالى ستراتەگيالىق شەشىم قابىلدادى.

 ماقسات - 2035 -جىلعا دەيىن اسكەر سانىن 300 مىڭ ادامعا دەيىن جەتكىزۋ. قازىر ونىڭ قاراسى 210 مىڭدى قۇرايدى. پولياك ەلى وسى ارقىلى اسكەرىن ەۋروپاداعى ەڭ ءىرى تۇراقتى ارميالاردىڭ بىرىنە اينالدىرۋدى كوزدەپ وتىر.