ولۋگە تىيىم سالاتىن زاڭ قابىلدانعان: يسپانياداعى ەرەكشە ەلدىمەكەن

يسپانيانىڭ اندالۋسيا وڭىرىندەگى لانحارون اتتى شاعىن اۋىلدا ەرەكشە زاڭ بار: مۇندا ولۋگە بولمايدى. ءيا، بۇل - رەسمي تۇردە قابىلدانعان ەرەجە. 1999 -جىلى اۋىل مەرى حوسە رۋبيو جەرگىلىكتى زيراتتىڭ تولىپ كەتۋىنە بايلانىستى وسىنداي شەشىم قابىلداعان، دەپ حابارلايدى  nypost.com.

جارلىقتا بىلاي دەلىنگەن: «تۇرعىندار ءوز دەنساۋلىعىنا مۇقيات قاراۋعا ءتيىس. ولمەۋگە تىرىسىڭدار، ويتكەنى مەريا زيرات ماسەلەسىن شەشىپ ۇلگەرمەدى».

قىزىعى سول - بۇل زاڭ ءازىل رەتىندە قابىلدانسا دا، ءالى كۇشىندە. اۋىلدا ءبىر عانا زيرات بار، ال ونى كەڭەيتۋ مۇمكىندىگى 26 جىلدان بەرى ءالى تابىلماعان.

بۇگىندە لانحارون TikTok-تا Gen Z بۋىنى اراسىندا تانىمال باعىتقا اينالدى. مۇندا تابيعات كوركەم، ال اۋا رايى - شيپالى. تۋريستەر بۇنى «ولمەستەردىڭ اۋىلى» دەپ اتاپ كەتكەن.

بۇل ءبىر لانحارونعا عانا ءتان ەمەس. وسىعان ۇقساس زاڭ نورۆەگياداعى لونگير اۋىلىنىڭ تۇرعىندارىنا دا قاتىستى. وندا كليمات تىم سۋىق بولعاندىقتان، جەرلەنگەن دەنەلەر ىدىراماي، عاسىرلار بويى ساقتالىپ تۇرادى. عالىمدار ءتىپتى 1917 -جىلعى تۇماۋ ۆيرۋسىنىڭ ءتىرى ۇلگىسىن سول جەردەن تاپقان.

سول سەبەپتى بۇل جەردە جۇقپالى اۋرۋلاردىڭ تارالۋىنان قاۋىپتەنگەندىكتەن ولۋگە تىيىم سالىنعان.