وپەك باسشىسى قازاقستانعا كەلەدى

استانا. KAZINFORM - استانادا وتەتىن فورۋمعا وپەك باس حاتشىسى حايتام ءال- گايس قاتىسادى، دەپ حابارلايدى Kazinform.

- وپەك باس حاتشىسى حايتام ءال-گايس 2025 -جىلدىڭ 2-4- قازانى ارالىعىندا استانادا وتەتىن قازاقستاندىق ەنەرگەتيكا اپتالىعى- 2025 / XVI KAZENERGY ەۋرازيالىق فورۋمىنا قاتىساتىنىن راستادى، - دەپ حابارلايدى Kazenergy.

فورۋمدا سالانىڭ نەگىزگى ترەندتەرى، اعىمداعى سىن-قاتەرلەر مەن دامۋ پەرسپەكتيۆالارى تالقىلانادى.

- مەن وسى بەدەلدى شاراعا ءوز ۇلەسىمدى قوسىپ، پلەنارلىق وتىرىسقا قاتىسۋعا قۋانىشتىمىن، - دەدى حايتام ءال- گايس.

بۇعان دەيىن قازاقستاننىڭ وپەك+ كەلىسىمى بويىنشا ءوز مىندەتتەمەلەرىنە بەرىك ەكەنى جانە اليانستان شىعۋ مۇمكىندىگىن قاراستىرمايتىنى حابارلانعان بولاتىن. ‎