ساراپشى Wi-Fi جەلىسىنىڭ قاۋپى تۋرالى ايتتى
بۇل تۋرالى «سيفروۆىە پلاتفورمى» اۆتونوم كوممەرتسيالىق ەمەس ۇيىمىنىڭ باس ديرەكتورى ارسەني شەلسين «پرايم» اگەنتتىگىنە بەرگەن سۇحباتىندا ايتتى، دەپ حابارلايدى Tengrinews.kz ءتىلشىسى.
ساراپشىنىڭ ايتۋىنشا، Wi-Fi روۋتەرگە زيان باعدارلامالار نەمەسە قوسىمشالاردى جۇكتەۋگە بولادى. وسىلايشا، حاكەرلەر سايتتى ايىرباستاپ، جەكە مالىمەتتەردى جانە لوگيندى، پارولدى وقي الادى.
سونداي-اق، حاكەر روۋتەر گادجەتتەگى بەلگىلى ءبىر كونتەنتتى ىسكە قوسا الادى. مىسالى، ينتەرنەتتەگى پاراقشانى مەملەكەتتىك قىزمەتتەر نەمەسە كەز كەلگەن باسقا سايتقا اۋىستىرۋعا بولادى. پايدالانۋشى وسىنداي سايتقا ءوز دەربەس دەرەكتەرىن ەنگىزگەن ساتتە ونىڭ جەكە مالىمەتتەرى حاكەردىڭ قولىنا تۇسەدى.
«حاكەرلەردىڭ قۇربانى بولعانىڭىزدى ءتۇسىنۋ قيىن. سەبەبى، ولاردىڭ №1-مىندەتى - بارلىعىن قۇپيادا ۇستاۋ. ياعني بۇقارالىق اقپارات قۇرالدارىنان حاكەرلەردىڭ شابۋىلدارى تۋرالى ەستىسەك، بۇل ولاردىڭ ساتسىزدىككە ۇشىراعانىن كورسەتەدى. ەگەر ءسىزدىڭ جەكە دەرەكتەرىڭىز باسقا جەردە پايدالانىلعان بولسا، وندا دەرەكتەرىڭىز وزگەنىڭ قولىندا ەكەنىن تۇسىنۋگە بولادى»، - دەدى شەلسين.
