WBO ۇيىمى جانىبەك ءالىمحان ۇلىنا چەمپيوندىق تيتۋلىن قورعاۋعا وردەر بەردى

استانا. قازاقپارات - WBO/IBF تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى (15-0, 10 ك و) بۇگىنگى جەكپە-جەگىندە WBO الەم چەمپيونى تيتۋلىن قورعايتىن بولدى.

WBO ۇيىمى جەكپە-جەككە ءبىر كۇن قالعاندا، جانىبەك- ميحايلوۆيچ ايقاسىندا قازاقستاندىق بوكسشىعا WBO تيتۋلىن قورعاۋعا وردەر بەردى.

The ring باسىلىمىنىڭ حابارلاۋىنشا، جانىبەك جەڭىسكە جەتسە، ەكى چەمپيوندىق اتاعىن دا ساقتاپ قالادى. ال ەگەر جەڭىلىس تاپسا ميحايلوۆيچ IBF تيتۋلىن يەلەنىپ، WBO بەلبەۋى بوس قالادى.

IBF ەرەجەلەرىنە سايكەس، ەكى بوكسشى بۇگىن ەكىنشى مارتە سالماق ولشەۋدەن ءوتتى. جانىبەك تارازىدا 171,7 فۋنت (77,6 ك گ) كورسەتىپ، بەلگىلەگەن ليميتتەن اسپادى. ال اندرەي- 169,2 فۋنت (76,7 ك گ) شىقتى.

بۇعان دەيىن حابارلاعانىمىزداي، جانىبەك العاشقى سالماق ولشەۋدە 159,6 فۋنت (72,3 ك گ) بولدى، ال اندرەي- 159,9 فۋنت (72,5 ك گ) شىقتى.

باسپاءسوز ءماسليحاتىندا جانىبەك قارسىلاسىن جەڭەتىنىنە سەنىمدى ەكەنىن، سيدنەيدە ەلىمىزدىڭ بايراعىن جەلبىرەتكىسى كەلەتىنىن ايتقان ەدى.

ايتا كەتەيىك، جانىبەك - اندرەي جەكپە- جەگى No Limit Boxing پروموۋتەرلىك كومپانياسىنىڭ ۇيىمداستىرۋىمەن 4-قازان كۇنى اۆستراليانىڭ سيدنەي قالاسىنداعى The Star ارەناسىندا وتەدى.

بوكسشىلار تەك IBF الەم چەمپيونى تيتۋلىن ساراپقا سالاتىن بولعان ەدى.

كاسىپقوي بوكس كەشىن قازاقستاندىقتار «Qazsport» تەلەارناسىنىڭ تىكەلەي ەفيرىنەن كورە الادى. ەسكە سالا كەتسەك، ەكى بوكسشى اراسىنداعى ايقاس 13-شىلدە كۇنى لاس- ۆەگاستە (ا ق ش) ءوتۋى ءتيىس ەدى. الايدا، وتانداسىمىز سالماق قۋۋ سالدارىنان ەسىنەن تانىپ قالعان بولاتىن.

اۆتور

مۇحتار قاليموللا ۇلى