وپاسىزدىقتىڭ الدىن الادى: اقىلدى نەكە ساقينالارى ساتۋعا شىعارىلماق
2026 -جىلدىڭ باسىندا نارىققا ەرەكشە تەحنولوگيالىق جاڭالىق - جۇپتارعا ارنالعان اقىلدى ساقينالار شىعارىلادى. جوبا اۆتورلارى بۇل قۇرىلعىنى «قارىم-قاتىناستى نىعايتۋ قۇرالى» دەپ سيپاتتاپ وتىر.
اقىلدى ساقينالار ادامنىڭ جۇرەك سوعىسىن، داۋىس رەڭكىن، قيمىل-قوزعالىسىن باقىلايدى، باسقا دا ەرەكشە بەلگىلەر بايقالسا، بۇل تۋرالى سەرىگىنە بىردەن حابارلاما جىبەرەدى.
قۇرىلعىنىڭ نەگىزگى فۋنكتسيالارى:
- جۇرەك سوعىسى مەن فيزيولوگيالىق وزگەرىستەردى ولشەۋ؛
- داۋىستىڭ ەموتسيونالدى رەڭكىن تالداۋ؛
- دەنە قوزعالىسىن باقىلاۋ جانە ينتەرپرەتاتسيالاۋ؛
- «وپاسىزدىق جاسادى» دەگەن بەلگى پايدا بولعان ساتتە سەرىكتەسكە اۆتوماتتى تۇردە ەسكەرتۋ جىبەرۋ.
كەي ساراپشىلار بۇل تەحنولوگيانى ەتيكا مەن جەكە شەكاراعا ءوتۋ دەپ باعالاسا، اۆتورلار كەرىسىنشە - قۇرىلعى جۇپتاردىڭ اراسىنداعى اشىقتىق پەن سەنىمدى ارتتىرادى دەيدى.
RAW ساقينالارى 2026 -جىلى ساتۋعا شىعارىلادى. جاڭا قۇرىلعى قارىم-قاتىناس ديناميكاسىن وزگەرتەتىن تەحنولوگيالىق ترەندتىڭ باسى بولۋى مۇمكىن.
