USAID ۇيىمىنىڭ شەتەلگە كومەكتى توقتاتۋىنا نە سەبەپ بولدى
استانا. KAZINFORM - ترامپ اكىمشىلىگى مەن ا ق ش مۇددەسىنە ساي كەلەتىن شەتەلگە كومەك باعدارلاماسىن ا ق ش دەپارتامەنتى قاتاڭ ەسەپ بەرە وتىرىپ جۇزەگە اسىراتىن بولادى، دەپ حابارلايدى Kazinform مەنشىكتى ءتىلشىسى.
مىڭداعان باعدارلامالار مەن 715 ميلليارد دوللاردان استام شىعىنداردى ونداعان جىلدارعى ينفلياتسيا تۇرعىسىنان مۇقيات تالداعاننان كەيىن، ا ق ش- تىڭ حالىقارالىق دامۋ اگەنتتىگى (USAID) كوپ جاعدايدا امەريكا مۇددەسىنە قىزمەت ەتپەيتىنى انىق بولدى. بۇل تۋرالى ا ق ش مەملەكەتتىك دەپارتامەنتىنىڭ مالىمدەمەسىندە ايتىلعان.
قۇجاتتا USAID ءتىڭ ا ق ش- تىڭ سالىق تولەۋشىلەرىنىڭ شەكسىز بيۋدجەتىن ونداعان جىلدار بويى ءتيىمسىز پايدالانۋ - ا ق ش ىقپالىن ارتتىرۋدىڭ ورنىنا انتيامەريكاندىق كوڭىل- كۇيدىڭ وسۋىنە الىپ كەلگەنى ايتىلعان.
الەمدىك ارەنادا ا ق ش كومەگىن ەڭ كوپ العان ەلدەر سوعان ساي جاۋاپ بەرمەگەن. ماسەلەن، 2023 -جىلى ساحارادان وڭتۇستىككە قاراي ورنالاسقان افريكا ەلدەرى ب ۇ ۇ- داعى ماڭىزدى قارارلارعا داۋىس بەرۋ كەزىندە ا ق ش- پەن تەك %29 جاعدايدا عانا ىنتىماقتاسقان. ال ولاردىڭ 1991 -جىلدان بەرى العان قارجىسى 165 ميلليارد دوللار بولادى. تاياۋ شىعىس پەن سولتۇستىك افريكاعا باعىتتالعان 89 ميلليارد دوللاردان استام ينۆەستيتسيا ا ق ش- تىڭ قىتايمەن سالىستىرعانداعى رەيتينگىنە كەرى اسەرىنە ىقپال ەتتى.
اگەنتتىكتىڭ 1991 -جىلدان بەرى گازا مەن باتىس جاعالاۋعا سالعان قارجىسى 9,3 ميلليارد دوللار بولعان. بەنەفيتسيارلار ىشىندە حاماس تا بار. سوعان قاراماستان ا ق ش- تىڭ وسى ارەكەتىنە ريزاشىلىعىن ءبىلدىرىپ وتىرعان ەشكىم جوق.
بۇل رەتتە امەريكالىق سالىق تولەۋشىلەر ەسەبىنەن شالقىپ ءومىر سۇرگەندەر - ۇكىمەتتىك ەمەس ۇيىمداردىڭ جەتەكشىلەرى بولدى.
- كومەكتى الۋشىلار ونىڭ بەلگىسىز ۇ ە ۇ- نىڭ ساداقاسى ەمەس، امەريكا حالقىنىڭ سالىعى ەكەنىن بىلگەنى ءجون، - دەلىنگەن قۇجاتتا.
مەمدەپارتامەنت ءتيىمسىز ارەكەتتەردىڭ ۋاقىتى جەتتى. ترامپ اكىمشىلىگى تۇسىندا ءبىزدىڭ مۇددەمىزگە باسىمدىق بەرەتىن شەتەلدىك قارجىلاندىرۋ ميسسياسى پايدا بولاتىن بولدى. ءبىز وزىنە ءوزى كومەك بەرە الاتىنىن كورسەتا العان جانە سوعان دايىن ەلدەرگە باسىمدىق بەرەمىز. رەسۋرستاردى امەريكالىق كومپانيالار مەن الەمدىك ينۆەستيتسيالاردى قوسا العاندا مۋلتيپليكاتيۆتى تيىمدىلىك بەرەتىن جانە جەكە سەكتوردى جانداندىراتىن باعىتتارعا جىبەرەمىز.
- ەندى باسىمدىق كومەككە ەمەس ساۋداعا، تاۋەلدىلىككە ەمەس مۇمكىندىككە، قولداۋعا ەمەس ينۆەستيتسياعا بەرىلەدى. امەريكالىقتار مەن الەمدەگى كوپتەگەن ادامدارعا 1-شىلدە جاھاندىق ارىپتەستىك، بەيبىتشىلىك، ينۆەستيتسيا مەن گۇلدەنۋ كەزەڭىنىڭ باستاماسى بولادى، - دەلىنگەن حابارلامادا.
وسىعان دەيىن ا ق ش USAID باعدارلاماسىنىڭ %83 جاباتىنى تۋرالى جازدىق.
