قاسىم- جومارت توقايەۆ «University Medical Center» قورىنىڭ باسقارما ءتوراعاسىن قابىلدادى

نۇر- سۇلتان. قازاقپارات - قاسىم- جومارت توقايەۆ «University Medical Center» كورپوراتيۆتىك قورىنىڭ باسقارما ءتوراعاسىن قابىلدادى، دەپ حابارلايدى قازاقپارات اق وردانىڭ رەسمي سايتىنا سىلتەمە جاساپ.
None
None

مەملەكەت باسشىسىنا كورپوراتيۆتىك قور جۇمىسىنىڭ ناتيجەلەرى مەن جەتىستىكتەرى، سونداي- اق وسى يننوۆاتسيالىق مەديتسينالىق ورتالىقتىڭ دامۋ پەرسپەكتيۆالارى تۋرالى مالىمەت بەرىلدى.

اتاپ ايتقاندا، يۋري پيا پرەزيدەنتكە نازاربايەۆ ۋنيۆەرسيتەتىنە قاراستى مەديتسينالىق مەكتەپ جانىنان اكادەميالىق مەديتسينالىق ورتالىق اشۋ جوسپارىن ايتتى.

ونىڭ پىكىرىنشە، مۇنداي ورتالىقتىڭ اشىلۋى كلينيكالىق ءبىلىم بەرۋ دەڭگەيىن كوتەرۋگە جانە ونى حالىقارالىق ستاندارتقا سايكەستەندىرۋگە مۇمكىندىك بەرەدى. بۇل ورتالىقتىڭ جۇمىسى عىلىمي- زەرتتەۋ، ءبىلىم بەرۋ جانە كلينيكالىق قىزمەتتىڭ سينەرگياسى نەگىزىندە وزىق ءبىلىم مەن تاجىريبەنى پايدالانۋعا، جاڭا فورماتسياداعى مەديتسينا سالاسىنىڭ ماماندارىن دايارلاۋعا، ەمدەلۋشىگە باعدارلانعان مەديتسينالىق جاردەم بەرۋ جۇيەسىن دامىتۋعا باعىتتالعان.

قاسىم- جومارت توقايەۆ دەنساۋلىق ساقتاۋ ساپاسىن ارتتىرۋدىڭ، مەديتسينالىق قىزمەتتىڭ قولجەتىمدىلىگىن قامتاماسىز ەتۋدىڭ اسا ماڭىزدى ەكەنىن اتاپ ءوتىپ، وتاندىق مەديتسينانى جاڭعىرتۋعا باعىتتالعان جوسپارىنا وڭ باعا بەردى.

سوڭعى جاڭالىقتار